Números 23:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' so Balaam ỹa'xate' daua la'qaatqa ñi qota'olec: Ỹim sachicqochi'ñi yi 'xoic ana qa' ladocai queda lqodoigue quiyi Aram, ñanaiquena nqai'en ñi Balac, nashi quena Moab. Dá'maq 'naac na'le 'neetasa': Na'itquena, qaiyi naqairelec ca se no'uen ra'qaachiqui' na Israel llaalqaipi, naqairelec ca se ỹa'maxañi ra'qaachiqui' na lauo' so Jacob.

Números 23:7 Iomraidhean Croise

Génesis 10:22

Ca' saua llaalqa so Sem: saua Elam, Asur, Arfacsad, Lud chaqai so Aram.

Génesis 28:2

Mo'e', 'itegue da Padan-aram yí'maq na'ñi ca qapichi' Betuel. Ca' vite roua'e' quecaua llaale ca neteesqochi' Labán.

Génesis 28:7

chaqai quiyim so Jacob taigue nqohin da Padan-aram, ca' chaqaida nqai'en dá'maq qohinapega quesaua leta'al.

Miqueas 2:4

Ca' quecajo na'xa'a, ca qaro'ueenaxantalgoto qamiri, qam cajo no'ueenaxanaxac 'ec ỹenaxac. Qohinac caqamiri: Ỹaatqajam qanomachichiriñom qomi': na qouo' ná'maq lalamaxaret ñi qara'gaxala' ỹoỹoota'a ca la'gaxala' qaica ca ishit quepaxata'guit; naua qana'lauari shi'gue qaneuagaxachiguilo quená'maq mashic qomi' loxonqa.

Números 22:11

quiyim 'ue ca qomyipi chicqota'gue da Egipto, ca neuagaxajlec ná'ogue na 'laua. Ca' ñi Balac ỹahotaque quiyim chaqa'ma' shic, se no'uen ca ỹa'qaatec senaxalec. Sha'apiguito' quiyim ishit quiyim loxonec, ca' ỹo'daauec quiyi na'laua.

Números 22:17

Ca' ỹim paguec semaqachiñi' ma'le, chaqai sa'ue cá'ogue cá'maq shiilaxañiraque. Qam na'itquena qouaquiric, se no'uen ca naqairelec ra'qaachiqui' yijo qomyipi.

Números 23:18

Ca' so Balaam ỹa'xato' dá'maq la'qaatec ñi qota'olec, 'neetasa': Qami' Balac, qami' llaalec so Zipor, ỹaatqajam na'xaỹaxañiteta aỹim.

Números 23:6

Ca' so Balaam pil, ca' natenejlec so Balac hueetau'e na lahi aso ncopatoxonaxalate, liỹaatac sá'ogue so nashillipi quiyi Moab.

Números 24:15

Ca' so Balaam co'na' retaqa 'naaco': Da la'qaatec najo Balaam llaalec ñi Beor, najo ỹale ỹaatqajam qoỹoqo'tegue da leuanaxanaxac,

Números 24:3

Ca co'na'le, ca' so Balaam 'ue ca la'qaatec, 'neetasa': Da la'qaatec na Balaam ná'maq llaalec ñi Beor, ná'maq ỹale ỹaatqajam qoỹoqo'tegue da leuanaxanaxac;

Mateo 13:33

Qai'neeta ỹo'uet da liỹa laloqojnaxanaxaqui, 'naaco': —Da lo'ueenataxanaxac ñí'maq neeta'gue da piguim 'nejem ana pe'taxachigui na pan, quiyim aca 'aalo ỹalecqajanta' quecaua tres laloqojnaxaqui ca 'aríña, quiyim ỹahotaque pe'taxachigui cá'ogue ca laqaulatec.

Mateo 13:35

Dajo 'ue, qaiyi ipaquichigui dá'maq la'qaatec só'maq letaxaỹaxanqajnec ñi qota'a, co'na' ỹiriñi: Sa'qaataxan ma'le, qam sahote'e ca ỹaloqojnaxanaxaqui; sa'xate' nauá'maq se qaỹa'deene' caua leloxoỹaxague' shi'que na' ñaqai chita'gue ñi qota'olec ỹo'uet na 'laua.

Marcos 12:12

Co'na'le, ca' so qomyipi ỹahotaque coñi' so Jesús, ma' ỹa'den quiyim so'maxare ỹo'uet so laloqojnaxanaxaqui, qam taỹauguilo nqai'ne' saua'maxare. Qam no'chi' saua'maxare quena qomyipi, ca no'ueenaqtesañi so Jesús, ca' que'.

Deuteronomio 23:4

Ma' na' qamiri quiijlec yi na'laua na' chigoxoita'gue da Egipto, na'maxare se ỹo'uet ca raquipii chaqai ca qanoxohi, chaqai vire'ta ishiueten so Balaam, llaalec so Beor chicqa'gue da Petor quiyi 'laua leenaxat Mesopotamia, quiyim ỹahotaque inaxalgoto qamiri ca se no'uen la'qaatec.

1 Samuel 17:10

Nagui quena na'xa'a saxanec da ỹa'qaatec quiyim shiga'a na Israel llaalqaipi nalliripi: ¡Nelariuec ca ỹale quiyim ñalauate'e'!

1 Samuel 17:36

Ca no'm sauaxaic leta'a loqo'm aca layoraxai late'e, najo relaachiqui', qami' ỹashi, ỹalauat quen. Chaqai dajo filisteo reto nqouagaxaintacot na nqolaquipi, chaqaida shine'tegue ma'le, ma' da'maxare ishiuentac na nalliripi ñi qota'olec ñí'maq nca'leetauec.

1 Samuel 17:45

Ca' so David 'naaco' queso'maxare: —Qami' qui'sa'guit aỹim, viise'e na lecachi', raqui'i', chaqai ana ra'daxanqachi'i'. Qam ỹim ñanaquetaugui da leenaxat ñi qara'gaxala' ñí'maq qaica lqalanec, ñí'maq qota'olec quena nalliripi na Israel ná'maq qami' quiisapegueu'a.