Números 23:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca' so Balac ỹo'uet dá'maq 'naac so Balaam. Ca' cañi 'óna ncopatoxonaxalate illaalec ca 'óna huaqui llaalec chaqai ca 'óna qagreta.

Números 23:30 Iomraidhean Croise

2 Samuel 15:12

Ca' so Absalón 'uo' so relaataxana'a queso lotauaripi so David, ca' so leenaxat Ahitofel, so'maxare na'ño' yi na'a' Gilo, roỹaxana quiyim coỹa' so'maxare quiyim ỹavigaxat aso lachitaxanataxanqate. Co'na'le, ca' da npa'guenaxac noquiiquetauec, ca nqo'neetauec só'maq queeta'pegue' so Absalón.

Números 22:40

Ca hua'ño'yi na'le, ca' so Balac relaataxanlgoto saua huaca quiyim qaỹalauate' chaqai saua qagreta. Ca' so la'at relaataxanlec quiyim qaỹodo quiyi neeta'ñi so Balaam chaqai so nashillipi liỹaatac.

Números 23:1

Co'na'le, ca' so Balaam 'naaco': —No'xoñirishiguim quenajo caua ỹouena siete ncopatoxonaxalate, chaqai 'maxachisañi caua siete huaqui llaalqa chaqai caua siete qagreta louaari.

Números 23:2

Ca' so Balac ỹo'uet dá'maq qohinapega queso Balaam. Ca' quesaua'maxare, ca ỹaando quiyim ỹavigaxat quiñi 'óna ca huaqui llaalec chaqai ca qagreta inaxarelec cañi 'óna quecaua ncopatoxonaxalate.

Números 23:29

Ca' quiyi, ca' so Balaam 'naaco' queso Balac: —No'xoñirishiguim quenajo caua ỹouena siete ncopatoxonaxalate, chaqai 'maxachisañi caua siete huaqui llaalqa chaqai caua siete qagreta louaari.

Números 24:1

Qam so Balaam co'na' iuana ñi qara'gaxala' ỹa'maxarenta quiyim ỹaanem da no'uen llicyaxac so Israel llaalqaipi. Ca' tot ishit quiyim pilalec ỹashiila ñi qara'gaxala' quiyim qoỹaanem ca la'qaatec 'nejem na' ñaqai 'aueta, ta'ta'a quiyim reloxoigue dá'maq pa'aata'gue yi 'laua qaica qom.