Números 23:3 - La'qaatqa ñi qota'olec Qota'olec & Qota'olec Novita Na Qomyipi

³ Ime, ca' so Balaam 'naaco' queso Balac: —Ro'viiñirañi quenaua qarachitaxanataxanqate. Ca' ỹim ñaqai saigue dajo, sha'apiguito' nachaxana ỹim ñi qara'gaxala'. Ca ma' ime, ca' sa'xatem qami' cá'maq ya'deenaxanaxanegue. Ca' so Balaam quepegue' aso quemaralec ladocai qaica qom,

Números 23:3 Iomraidhean Croise

Génesis 22:13

Ca co'na' na'ỹaashiguim so Abraham, ca iuane'to' so qagreta llaalec que'eensaho naua lasote caso qo'paq. Co'na'le, ca' eec iconlec so qagreta loua', ca' ỹaano quiyim lachitaxanataxanaxat, ñigui nqai'en so llaalec.

Génesis 22:2

Ca' ñi qota'olec 'naaco' queso'maxare: —Coñita ñí'maq 'oonoqui' qachaalqui' Isaac, ñí'maq paguec rqo'itaxachi'. Ca' quirepegue' yi 'laua leenaxat Moriah. Ca ma' vichita yi'maxare, ca 'ỹaañiro quiyim vigaxachi' vite rachitaxanataxanaxachi', lli'ralec adá'maq quemaralec ladocai sachaxanem qami' ma'le.

Génesis 8:20

Ca co'na' ime, ca' so Noé ỹo'ueeto' aso lcopatoxonaxalate quiyim imaqachin ñi qara'gaxala'. Ca ỹacona'a quena iseripi chaqai quena ỹoipi quená'maq co'teeta, 'oonoqui' ñi ỹacona'a quená'maq ỹoreta'oguit iseripi. Ime, ca ỹavigaxat, ỹa'ue aca lachitaxanataxanqate quiyim ỹaanot ñi qara'gaxala'.

Números 23:12

Ca' so Balaam 'naaco': —Shi'gue shinqac quiyim qaicaata cá'maq nañaañim ñi qara'gaxala' quiyim sa'xat, ca' qaicaata shinac.

Números 23:15

Ca' quiyi, ca' so Balaam 'naaco' queso Balac: —Ñaq qovire'e najo na hueeta'ñi na nachitaxanataxanaxat. Ca' ỹim saigue dajo, qaiyi ñiuane'e' ñi qota'olec.

Números 23:2

Ca' so Balac ỹo'uet dá'maq qohinapega queso Balaam. Ca' quesaua'maxare, ca ỹaando quiyim ỹavigaxat quiñi 'óna ca huaqui llaalec chaqai ca qagreta inaxarelec cañi 'óna quecaua ncopatoxonaxalate.

Números 23:26

Ca' so Balaam 'naaco': —¿Mesqai shi'gue shinac caqami' quiyim ỹim se seshit ỹoqa'a cá'maq sa'xat quecá'maq qaỹamaxailec quiyim shinac quiñí'maq qara'gaxala'?

Números 23:4

yí'maq hua'ño' na' qanachaxana quiñi qota'olec. Ca' so Balaam 'naaco': —Mashic sa'maxatesañi yaua siete ncopatoxonaxalate, ca' quiyaua'maxare mashic sellaalec quiyim savigaxat ca 'óna huaqui llaalec chaqai ca 'óna qagreta.

Números 24:1

Qam so Balaam co'na' iuana ñi qara'gaxala' ỹa'maxarenta quiyim ỹaanem da no'uen llicyaxac so Israel llaalqaipi. Ca' tot ishit quiyim pilalec ỹashiila ñi qara'gaxala' quiyim qoỹaanem ca la'qaatec 'nejem na' ñaqai 'aueta, ta'ta'a quiyim reloxoigue dá'maq pa'aata'gue yi 'laua qaica qom.

Mateo 4:8

Ca' so na'ỹaapec lotqai liỹa ỹauega so Jesús ada quemaralec qa' ladocai. Ca' ỹachaxanalo naua'que naua na'aate' hueesalec ana 'laua chaqai ná'ogue na lemaqachic na'maxare.

Josué 24:10

Qam ỹim sqai saxanegue so Balaam quiyim inaxalgoto qamiri ca la'qaatec se no'uen, ca' no'uen da la'qaatec taalgoto nqai'ne' qamiri. Ca' lotqai ñca'laxaterec qamiri.