Números 23:23 - La'qaatqa ñi qota'olec Qota'olec & Qota'olec Novita Na Qomyipi

²³ Quena llaalqaipi so Jacob qaica ca 'negue quiyim qainaxalec ca se no'uen, quena Israel llaalqaipi qaica nqai 'negue nqai'en cá'maq qohine'tegue ca ne'naxac. Ca' nagui qaidaata quiyim qohinac quena Israel: ¡Ỹaatqajam 'xoic na ỹo'uet ñi qota'olec caqami' ỹo'uet da ne'laxa!

Números 23:23 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Salmos 31:19

¡Chalego lecaic da rqouagaxa'e' quená'maq imaqachin qami'! 'Maxachisac da'maxare, 'ec nqai'ñi' ca nouenec 'xoic loyac, chaqai iuanchigui nqai'ñi' na qomyipi, ma' huagaxachirec quená'maq pi'ỹa'a qami'.

Isaías 44:25

Ỹim se ipaguigui nqaishin ca la'qaatec ná'maq 'naac qota'olec letaxaỹaxaqui, ỹim so'uet quiyim ná'maq idaanau'a nanchaqaina chi ỹo'meetac. Ỹim so'uet quiyim na 'deenaxanqachaqaiquipi chi retaqata'ta' chaqai da la'deenaxanaxa, dá'ogue hualoxonqaishic.

Números 24:1

Qam so Balaam co'na' iuana ñi qara'gaxala' ỹa'maxarenta quiyim ỹaanem da no'uen llicyaxac so Israel llaalqaipi. Ca' tot ishit quiyim pilalec ỹashiila ñi qara'gaxala' quiyim qoỹaanem ca la'qaatec 'nejem na' ñaqai 'aueta, ta'ta'a quiyim reloxoigue dá'maq pa'aata'gue yi 'laua qaica qom.

Mateo 12:25

Qam so Jesús ỹa'den dá'maq la'deenataxanaxague' saua'maxare, ca 'naaco': —Canchaqaica nashillipi, no'm noỹoota'chi, ca' chi nco'ỹata', ca ca'maxare tai'a quiyim na'laañi. Chaqai ca na'a', loqo'm ca chi neuo' laseripi quiyim noỹoota'chi, ca' se ishit quiyim chaqaidaata 'neetari'.

Mateo 12:27

Qamiri 'ñiỹac quiyim aỹim so'daauec na ne'ec lecmaxaic, sahote'e da lquesaxanaxa so Beelzebú. Ca no'm chaqaida 'neeta, ca ¿nega'ỹo' cá'maq ỹaanem da lquesaxanaxa ná'maq queeta'pegueto qamiri quiyim ỹo'daauec na'maxare? Ca' vichiguiño' chaqaina ná'maq ichoxote' qamiri quiyim o'miỹac.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Juan 11:47

Ca' so fariseoipi chaqai na lashillipi na netaxaỹaxanqajanqaipi quena' qaretaxaỹa'pegue' ñi qota'a lapooguit so nashillipi ỹo'ueetegueñi na leloxoỹaxaquipi quiyim retaxaỹata' so'maxare. Ca 'naaco': —¿Negue' ca shinqata? Ma' so ỹale ỹaatqajam 'xoic na ỹo'uet netanec se qaiuanapega.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 15:12

Ca' sá'ogue so qomyipi i'maqajlem. Ca qana'xaỹaxantapegalo saua Bernabé chaqai so Pablo, ỹa'xatesac na netanqaipi chaqai na se qaiuanapega, ná'maq ỹo'ueeto' ñi qota'a quedá'maq llicyaxague' saua'maxare, co'na' ỹalequesaugui na mesqai judioipi.

Hechos 4:16

Ca' 'nera'po': —¿Chi negue' ca shinqa'teguelo' saua ỹale'? Ma' ná'ogue na na'ñi na Jerusalén ỹa'den quiyim ỹo'ueete' dajo netanec se qaiuanapega, ca' se seshitaq quiyim soqollictaq.

Hechos 5:12

Quesaua Jesús lelaatqa 'xoic na qaỹo'uet quena netanec chaqai na se qaiuanapega quena qomyipi, ca sá'ogue lapoỹata', hueeta'ñi yi nasoxoc yí'maq leenaxat Nasoxoc so Salomón.

Hechos 5:14

Ca' 'xoic na dalaxaic huelec so qara'gaxala', ỹale chaqai ana 'aalo.

Romanos 16:20

Ca ñí'maq qota'olec chicqo'ot da na'maxa qaỹaloq pataxañi so na'ỹaapec, illo'oto naua qapiaachiri. Chaqai so qara'gaxala' Jesucristo no'ueenaxat ca qayicyaxaguii.

Apocalipsis 12:9

Ca' chaqaida dá'maq 'neeto' na'le na' qaỹo'daauec so isecỹac chalego lecaic. Ca so'maxare chaqaiso' só'maq ñaauapec 'ec nanaic leenaxat Satanás chaqai na'ỹaapec, só'maq ỹayintaco' quen ná'ogue na ỹoreta'oguit qomyipi hueetalec ana 'laua. Ca so na'ỹaapec chaqai so lelaatqaipi qaỹo'daauec, taalec nqohin na 'laua.