Números 23:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Números 23:19 Iomraidhean Croise

Génesis 26:3

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Salmos 110:4

Ñi qara'gaxala' qota'olec ỹaanec da la'qaatec, ca' se netogot: Nagui, ca qami' netaxaỹaxanqajnec sqaica lqodoc ma' qaretaxaỹa'pegue' aỹim, 'ec na'le so Melquisedec.

Isaías 31:2

Qam ñi'maxare qai'neeta ỹaatqajam co'ỹaxaraic chaqai ỹa'den ỹo'uet ca ne'xoric, chaqai quena' 'ue da ỹa'xat, ca chaqaida nqai'en. Ñi'maxare npa'guene'e' ma'le na qomyipi hualoxonyipi, chaqai ná'maq ỹotauan na ỹo'ueetetac na se no'uen.

Isaías 40:8

Ỹaso ana peue chaqai ana lenoỹaxai roỹapi, qam naua la'qaatqa ñi qota'olec coqomi' chaqaidaata 'neesari'.

Jeremías 4:28

Na 'laua no'xalec queda nachicoxo chaqai na piguim 'ue da nasouaxac. Ỹim setaqa, chaqai se netogochigui iuel; ta'ta'a quiyim sepacqajanchigui dá'maq shinac.

Oseas 11:9

Mese ipaguigui nqaishin dá'maq 'neeta da ỹonogoxonaxac; tot liỹa ñopoxoỹaxajñi yi Efraín, ma' ỹim, ỹim qota'olec, mesqai ỹim qom. Ỹim ná'maq ỹim sco'teeta, ỹim sentañigui naua lavilliñi' qamiri, chaqai se ñanac quiyim 'ue ca ñopoxoỹaxajñi.

Malaquías 3:6

Ỹim ná'maq ỹim na'gaxala'. Se ñadalaxat. Vichiguiño' qamiri chigoxoỹaugui so Jacob se qanomachiñi qamiri.

Números 14:35

Ỹim ná'maq ỹim na'gaxala', se'taxajñi da ỹa'qaatec: Ca' dajo dá'maq shi'ntegue ma'le najo qomyipi hualoxonyipi quiyim notauanta' quiyim npa'guene'e' aỹim. Ca' quenajo 'laua qaica qom, ca hua'ñi ma'le ca rqodoguii. Najo hua'ñi, ca rillivii qamiri.

Números 23:18

Ca' so Balaam ỹa'xato' dá'maq la'qaatec ñi qota'olec, 'neetasa': Qami' Balac, qami' llaalec so Zipor, ỹaatqajam na'xaỹaxañiteta aỹim.

Lucas 21:33

Na piguim chaqai na 'laua ishit 'ue ca lqodogue', qam naua ỹa'qaatqa se ishit quiyim se ipaguiguilo.

Romanos 11:29

Ma' cá'maq ỹaan ñi qota'a, ca se liỹa icona, chaqai se ishit quiyim se ipacqajñigui so loỹaxanaxac.

Romanos 9:6

Qam mesqaida quet quiyim se ipaguigui quet ná'maq ỹachaxantac ñi qota'olec queso Israel, ma' sá'ogue so lalamaxaret llaalqaipi so Israel mesqai sá'ogue lalamaxaret ñi'maxare.

2 Timoteo 2:13

Chaqai no'm ñapacqalec ca qara'qaatec, qam so'maxare se napacalec ca la'qaatec, ma' ñi qota'a se nqo'in, chaqai se ỹadalaxat ca leloxoỹaxac.

Tito 1:2

chaqai qai'neeta ỹa'deenta da quitaxac queda chaalataxac sqaica lqodoc. Dá'maq ỹachaxantac na' saqa'leca na 'laua ñí'maq qota'a, ma' ñí se na'majan.

Hebreos 6:18

Ca' chaqaida dá'maq 'neeta quiyim 'vii naua dos quiyim se ishit quiyim 'ue ca qaỹadalaxat, ca quenaua'maxare, ca ñi qota'a se ishit na'majan. Ca' quedaua'maxare, ca' ñi qota'a ỹo'uet quiyim ỹa'maxaguilo qovilli', ca ña'ñaxatqachiguiñi, ma' mashic shi'gue sedaanqataque quiyim quepaqataxanlgoto qomi', ca' seuaqlec quedá'maq qanaquitaxac ỹaanema qomi'.

Hebreos 7:21

Na liỹa netaxaỹaxanqajanqaipi qaica ca qai'taxajñi quiyim qaipacqajanchigui ca na'qaatec. Qam quedá'maq dajo, ca 'uo' na'le so na'qaatec quiyim ỹaatqajam qai'taxajñi quiyim qaipacqajanchigui. Ma' quiyaua naneresañi na'qaatqa qohinaco' na'le: Ñi qara'gaxala' nanecalta' quiyim i'taxajñi da la'qaatec, ca' sqaica ma' ỹadalaxat quet co'na' 'naac: “Se neme quiyim qami' netaxaỹaxanqajnec, 'nejem ma'le da no'ueenataxac so Melquisedec.”

Santiago 1:17

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.

Santiago 4:5

'Uo' ca 'neeta, vichiguiño' yaua naneresañi na'qaatqa 'nerac: “So Espíritu Santo só'maq ñi qota'a ỹanauguilo qomi', so'maxare nqo'talo chaqai ỹauoteguelo qomi'.”

Josué 21:45

Ca' qaica quet cá'maq la'qaatec se ipacqajñigui quená'maq no'uen la'qaatqaipi quená'maq ỹachaxantapeguem so Israel llaalqaipi, ỹaatqajam ná'ogue ipacqajanchigui ñi qara'gaxala'. (22.1—23.16 So ni'ic pa'aata'gue da lqodoigue pila yi na'laua. So Josué retaqaugui so qomyipi.)

1 Samuel 15:29

Ma' ñi qota'olec, ñí'maq lauaq na Israel llaalqaipi, se na'majan chaqai se netogot, ma' sqai 'nejem canchaqaica qom quiyim netogot.

1 Samuel 3:12

Ca ma' ỹovita cajo na'xa'a, sepacqajanchigui quiñi Elí dá'ogue dá'maq shinac quena llaalqaipi.