Números 23:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam so Balac 'ue da lepagaxallic. Ca 'naaco': —Ỹala'e', qolaxapegue' yi liỹa 'laua, yí'maq hua'ñi quiyim huañita ma'le naua lahil yí'maq co'matqa'. Ca' quiyi, ca' se no'uen ca ra'qaachiqui' naqairelec yi'maxare.

Números 23:13 Iomraidhean Croise

Miqueas 6:5

Qamiri ỹalamaxarete', ñaq no'viñigue nagui dá'maq na'deenaxac na'le so nashi quiyi Moab leenaxat Balac quecá'maq sham 'neeta'guelo qamiri, chaqai dá'maq la'qaatec na'le só'maq llaalec so Beor leenaxat Balaam. No'viñigue na' chigoxoichi'ñi yi Sitim, ca 'iỹa'gue da Gilgal, chaqai 'yiiñira'a quiyim so'ootaxanteguelgoto qamiri na'le.

Números 22:41

Ca' queso liỹa nete'e na' nete'etam, ca' so Balac i'guena'a so Balaam, ca' ỹavicshiguim caso Bamot-Baal. Ca' yí, hua'ño' na' iuana cá'ogue ca neeta'ñi nco'matqa' so Israel llaalqaipi.

Números 22:6

Ca' ỹim sa'deenta quiyim 'ue ca naqairelec ca ra'qaachiqui' lo'yaxanec loqo'm ca se no'uen, qam ipaquichigui cá'maq 'ñirac. Ca' no'uen quiyim se naỹaloxoriñi' quiyim na'itegue najo, ca' se no'uen ca naqairelec ra'qaachiqui', qaiyi se no'uen ca llicyaxac ma'le najo qomyipi, ma' se yalo'guit na'maxare. Sha'apiguito' quiyim ỹoxonec na'maxare, ca' so'daauec quena ña'laua.

Números 23:12

Ca' so Balaam 'naaco': —Shi'gue shinqac quiyim qaicaata cá'maq nañaañim ñi qara'gaxala' quiyim sa'xat, ca' qaicaata shinac.

Números 23:14

Ca' so Balac ỹauega so Balaam yi no'ueenaxa nquenoxonqa' quena roto ada qa' ladocai leenaxat Pisga. Hua'ño'yi na'le, ca lotqai liỹa no'xonshiguim saua siete ncopatoxonaxalate, ca lotqai illaalec ca 'óna huaqui llaalec chaqai 'óna qagreta cañi 'óna ncopatoxonaxalate.

Josué 24:9

Ime, ca' so Balac, llaalec so Zipor, lashi na Moab llaalqaipi, anac quiyim nco'ỹa'to qamiri. Ca' so Balac relaataxana so Balaam, llaalec so Beor, ma' ỹahotaque se no'uen ca la'qaatec inaxalgoto qamiri.