Números 23:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' so Balaam 'naaco': —Shi'gue shinqac quiyim qaicaata cá'maq nañaañim ñi qara'gaxala' quiyim sa'xat, ca' qaicaata shinac.

Números 23:12 Iomraidhean Croise

Éxodo 4:15

Taqaira'pegue' ma'le ñi'maxare, 'xachitem dá'ogue dá'maq shim 'xachi' ma'le. Ca' ỹim seuetañiguilo qamiri ma' taxahi, chaqai sapaxaguiñiigue cá'maq 'neeta cá'maq 'viichii.

Números 22:20

Ca' queso pe, ca' ñi qota'olec nachaxana so Balaam. Ca 'naaco' queso'maxare: —No'm yauajo ỹale' nacte qami', ca' quiteguelo, qam qaicaata cá'maq shinac, ca' chaqaica 'viichi'.

Números 22:38

Ca' so Balaam 'naaco' queso'maxare: —Nagui, ca' ñovita qami' ña'ajnaxañiraxaua'. Qam tot qaica ca iquesaxanaxa quiyim soiquentac ca ỹa'qaatec; ma' qaicaata cá'maq 'naac ñi qota'olec quiyim shinac, ca' chaqaica sa'xat.

Números 23:13

Qam so Balac 'ue da lepagaxallic. Ca 'naaco': —Ỹala'e', qolaxapegue' yi liỹa 'laua, yí'maq hua'ñi quiyim huañita ma'le naua lahil yí'maq co'matqa'. Ca' quiyi, ca' se no'uen ca ra'qaachiqui' naqairelec yi'maxare.

Números 23:20

Ỹim qanañaañim quiyim setaqa, qam saanec ca qouagaxa; ca no'm ñi qota'olec nqouaguegue, ca' ỹim se seshit squepaxat ca lqouagaxa.

Números 23:26

Ca' so Balaam 'naaco': —¿Mesqai shi'gue shinac caqami' quiyim ỹim se seshit ỹoqa'a cá'maq sa'xat quecá'maq qaỹamaxailec quiyim shinac quiñí'maq qara'gaxala'?

Números 23:3

Ime, ca' so Balaam 'naaco' queso Balac: —Ro'viiñirañi quenaua qarachitaxanataxanqate. Ca' ỹim ñaqai saigue dajo, sha'apiguito' nachaxana ỹim ñi qara'gaxala'. Ca ma' ime, ca' sa'xatem qami' cá'maq ya'deenaxanaxanegue. Ca' so Balaam quepegue' aso quemaralec ladocai qaica qom,

Números 24:13

'Eno'm nañaañim cá'ogue ca 'oro chaqai ca plata hueetaugui na qauochi', qam ỹim se seshit ñapacalec ca la'qaatec ñi qara'gaxala', chaqai sqaica ca so'uet lo'yaxanec, loqo'm ca se no'uen, quiyim chaqai soiquentac. Chaqai qaicaata cá'maq yachilenegue ñi qara'gaxala', ca' chaqaica sa'xat.

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.