Números 22:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' queso pe, ca' ñi qota'olec nachaxana so Balaam. Ca' inatetac, 'naaco': —¿Nega'ỹo' ná'maq ỹalliripi hueeta'ñi na ra'aachi'?

Números 22:9 Iomraidhean Croise

Génesis 16:8

Ca inato', 'naaco': —Agar, qami' la'a aca Sarai, ¿negue' ca chicqoira'gue, chaqai negue' ca 'ira'gue? Ca 'naaco' aso'maxare: —Seetetapeguem aca ña'cooro Sarai.

Génesis 20:3

Qam queso pe so Abimelec 'uo' so le'guemataxac quiyim qohinapego' quiñi qota'olec: Rillivi' ma'le, ma' ñí'maq 'aalo coñita 'ue loua.

Génesis 31:24

Qam queso pe ñi qota'olec nachaxana so Labán só'maq arameo le'ec queso le'guemataxac. Ca 'naaco': —Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 4:9

Co'na'le, ca ñi qara'gaxala' inato' so Caín, 'naaco': —¿Negue' ca hueeta'gue ca rqaỹa'e' Abel? Ca' so Caín 'naaco': —'Taque', se sa'den. ¿Qa' ỹim quet neloxoỹaq queca'maxare?

Génesis 41:25

Co'na'le, ca' so José 'naaco' queso Faraón: —Saua dos re'guemataxagohi' saua'maxare 'oonoqui' da leloxoỹaxague'. Ñi qota'olec ichoxotem qami' dá'maq sham ỹo'uet ma'le.

Éxodo 4:2

—¿Negue' ná'maq lo'qo'isa'a? —'naaco' ñi qara'gaxala'. Ca so Moisés 'naaco': —Ỹashilete.

Números 22:10

Ca' so Balaam 'naaco': —Ñi Balac, ñí'maq llaalec so Zipor, ñí'maq nashi quiyi Moab, nelate' quiyim 'nerac caỹim

Números 22:20

Ca' queso pe, ca' ñi qota'olec nachaxana so Balaam. Ca 'naaco' queso'maxare: —No'm yauajo ỹale' nacte qami', ca' quiteguelo, qam qaicaata cá'maq shinac, ca' chaqaica 'viichi'.

Números 22:8

Ca' so Balaam 'naaco' quesaua'maxare: —La'xaỹa'ñi najo quena pe. Ca ma'le, ca' 'ue ca shinac ma' ỹaataq cá'maq 'naac ñi qara'gaxala'. Ca' so qo'xoiquipi na'ñi yi Moab la'qa'ñi yi'maxare queso pe.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Mateo 7:22

Ca' ma' ỹovita cajo na'xa'a, ca 'xoic ca 'naac ma'le caỹim: “Qami' qara'gaxala', qomi' so'ueenataxanqatapega quen da qadeenaxachi' quena' sa'qaataxanqatac, chaqai quena' so'daqauec na ne'ec lecmaxaic, chaqai queda qadeenaxachi' 'xoic na so'ueetaq ỹo'uet da ne'laxa.”

Juan 11:51

Qam so Caifás se nodaachiguiñi quiyim ỹa'xat dajo, ma' so'maxare chaqaiso' so la'gaxala' na netaxaỹaxanqajanqaipi queso ñaaxa. Ca' ñi qota'a ỹa'xat nqai'en so'maxare quiyim so Jesús ileualec ná'ogue na judioipi.