Números 22:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' ỹim sa'deenta quiyim 'ue ca naqairelec ca ra'qaachiqui' lo'yaxanec loqo'm ca se no'uen, qam ipaquichigui cá'maq 'ñirac. Ca' no'uen quiyim se naỹaloxoriñi' quiyim na'itegue najo, ca' se no'uen ca naqairelec ra'qaachiqui', qaiyi se no'uen ca llicyaxac ma'le najo qomyipi, ma' se yalo'guit na'maxare. Sha'apiguito' quiyim ỹoxonec na'maxare, ca' so'daauec quena ña'laua.

Números 22:6 Iomraidhean Croise

Génesis 12:3

Ca' ỹim se'xoren cá'maq re'xoriñi', chaqai se se'xoren cá'maq se re'xoriñi'; chaqai chicqochigui qami' ma'le quiyim yqouaguegue ná'ogue na qomyipi quena 'laua.

Génesis 27:29

Chaqai 'xoic ca qomyipi ro'ueenataxanot qami' ma'le; chaqai na ỹoreta'oguit qomyipi ỹa'dooto qami' ma'le naua le'cootal. Ca 'viiquiñi'sac ma'le na rqaỹachi'ipi; ¡chaqai ỹa'dooto qami' naua le'cootal! Cá'maq ishiuen qami', ca' qaỹa'ue ca nouaxanaxaset, qam cá'maq re'xoriñi', ca' qai'xoren.

1 Reyes 22:13

Ca só'maq nelaatec quiyim i'guena'a so Micaías co'na' ỹovita, ca 'naaco': —Yá'ogue yi netaxaỹaxaquiripi dá'ogue da la'qaatec quena' 'ue da ỹa'xatem ñi nashi. Vichiguiño' ñi'xoresene'tot qami' quiyim no'ueenaxachi' ca ra'qaataxanaxaqui', 'nejem yi liỹaripi.

1 Reyes 22:6

Ca' so nashi quiyi Israel lapoonta' so qota'olec letaxaỹaxaquiripi. Quiyim sá'ogue, ca ipala'tegue cuatrocientos. Ca renataxano', 'naaco': —¿Peeta'a 'maxaraic shiga'a yi Ramot huaugui yi 'laua Galaad, loqo'm 'e'? Ca saua'maxare 'neraco': —Oquira'a, ma' ñi qara'gaxala' ỹaanem qami' quiyim qadoxonqui'.

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

Miqueas 6:5

Qamiri ỹalamaxarete', ñaq no'viñigue nagui dá'maq na'deenaxac na'le so nashi quiyi Moab leenaxat Balac quecá'maq sham 'neeta'guelo qamiri, chaqai dá'maq la'qaatec na'le só'maq llaalec so Beor leenaxat Balaam. No'viñigue na' chigoxoichi'ñi yi Sitim, ca 'iỹa'gue da Gilgal, chaqai 'yiiñira'a quiyim so'ootaxanteguelgoto qamiri na'le.

Números 22:12

Co'na'le, ca' ñi qota'olec 'naaco' queso Balaam: —Totaxan oquiteguelo chaqai se na'aa ca naqairelec ra'qaachiqui' najo qomyipi, ma' najo qomyipi mashic shi'gue saanec da ỹa'qaatec quiyim ño'ueenaxat ca llicyaxac.

Números 22:17

Ca' ỹim paguec semaqachiñi' ma'le, chaqai sa'ue cá'ogue cá'maq shiilaxañiraque. Qam na'itquena qouaquiric, se no'uen ca naqairelec ra'qaachiqui' yijo qomyipi.

Números 23:13

Qam so Balac 'ue da lepagaxallic. Ca 'naaco': —Ỹala'e', qolaxapegue' yi liỹa 'laua, yí'maq hua'ñi quiyim huañita ma'le naua lahil yí'maq co'matqa'. Ca' quiyi, ca' se no'uen ca ra'qaachiqui' naqairelec yi'maxare.

Números 23:27

Ca' so Balac 'naaco' queso Balaam: —Ỹala'e', ñaq saviquita yi liỹa 'laua, sha'apiguito' quiyim ñi qota'olec se ro'o, no'm se no'uen ca naqairelec ra'qaachiqui' yi Israel llaalqaipi quiyi'maxare.

Números 24:9

Quena' ỹovita quiyim nco'matec nenanñi so Israel llaalqaipi, ca' 'ec ca regat: qaica ca ishit nqo'xon. ¡Ỹaatqajam qai'xoren cá'maq i'xoren yi'maxare, qam ỹaatqajam 'ue da nqa'viic cá'maq se i'xoren yi'maxare!

Hechos 16:16

Ca 'uo' so liỹa na'xa'a na' qolaqpegue' yi qouagaxainqa', ca ñatenqa'chiguit aso nequetegaxai 'uo' so le'ec idaanau'alo naua 'ueenataxaco. Chaqaso' aso rauegaxantapigui so na'cororipi, ma' na'á aso'maxare, rauegaxañigui quiyim ra'ỹaauec nanchaqaina.

Deuteronomio 23:4

Ma' na' qamiri quiijlec yi na'laua na' chigoxoita'gue da Egipto, na'maxare se ỹo'uet ca raquipii chaqai ca qanoxohi, chaqai vire'ta ishiueten so Balaam, llaalec so Beor chicqa'gue da Petor quiyi 'laua leenaxat Mesopotamia, quiyim ỹahotaque inaxalgoto qamiri ca se no'uen la'qaatec.

Josué 24:9

Ime, ca' so Balac, llaalec so Zipor, lashi na Moab llaalqaipi, anac quiyim nco'ỹa'to qamiri. Ca' so Balac relaataxana so Balaam, llaalec so Beor, ma' ỹahotaque se no'uen ca la'qaatec inaxalgoto qamiri.

1 Samuel 17:43

Ca 'naaco' queso David: —¿'Ñiisapego' quiyim ỹim pioq, vichiguiño' viise'e na nepoñi' quiyim nalauachire'e' aỹim? Ca chaqa'ma' ishiuentac so David, ỹodoota'a da leenaxat so lashiilec lqolac.