Números 22:31 - La'qaatqa ñi qota'olec Qota'olec & Qota'olec Novita Na Qomyipi

³¹ Co'na'le, ca' ñi qara'gaxala' ỹo'uet quiyim so Balaam iuane'ta so lelaatec ñi qara'gaxala' hueeta'ñigui na lavinñi so nayic, lo'qoota'a so lecat. Ca' so Balaam ỹa'chi'iñi naua le'cootal, ca ỹoviraqta'guit na latap na 'laua.

Números 22:31 Iomraidhean Croise

Génesis 21:19

Co'na'le, ca' ñi qota'olec iuane'ta nqai'en aso Agar aso tema no'qaachigui quena huaxaỹaq. Ca aso'maxare quepegue', ca' no'xataxachigui aso liỹoxoso quena huaxaỹaq. Ca' ne'taxan so Ismael.

Números 22:30

Qam aso 'ashina 'naaco': —Ỹaatqajam ỹim qañaxalachi'i' quenaua'que naua na'xata'. Chaqai qami' 'yiiñite' quiyim se ỹauanapega shine'tegue qami' dajo. Ca' so Balaam 'naaco': —Ajá'a, llic.

Números 24:16

na'maxare quena' ỹovitot da leuanaxanaxac ỹaatqajam re'qootec nqai'en, chaqai ỹa'deene' nauá'maq qaỹachaxanema quiñi qota'olec ñí'maq ỹomatalecna, chaqai quiyim icoñiguit ca na'qaatec chaqai na leuanaxanaxac chicqo'ot ñi qota'olec ñí'maq qaica lqalanec.

Números 24:4

ca quena' 'ue ca iuana, ca' ỹaatqajam re'qootec da leuanaxanaxac, ca' 'vii naua qaỹauanaxanaxanque, chaqai 'vii naua qaỹa'deenaxanaxanque chicqo'ot ñi qota'olec ñí'maq qaica ca lqalanec.

Lucas 24:16

Ca ỹaatqajam qara'iito'ot, qam 'eco' 'ue só'maq 'em se qano'uenegue so'maxare.

Lucas 24:31

Ca' quiyi, ca saua'maxare 'ec naviqueterec naua nqote', ca no'uentegue so'maxare. Qam so'maxare palac.

Juan 18:6

Ca co'na' so Jesús 'naac: “Ỹim na'taxare”, ca saua'maxare qoshii', ca sá'ogue huaañi.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”