Números 22:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca co'na' aso 'ashina iuane'ta so nelaatec chicqashiguim quena lavinñi so nayic, lo'qoota'a so lecat, ca' ỹoxouec queso nayic, ca quelec so no'ueenaxa. Qam so Balaam ỹouaxan, ma' ỹahotaque pila'a nqai'en so nayic.

Números 22:23 Iomraidhean Croise

2 Reyes 6:17

Ca' so Eliseo nqouagaxainot ñi qara'gaxala' quiyim ỹauachiguilo naua nqote', qaiyi reuanaxan. Ca' ñi qara'gaxala' naviguerec nqai'en naua nqote' so lelaatec. Ca so'maxare iuana quiyim aso quemaralec qa' ladocai no'qajlec quena shipiguiripi qoyintalec chaqai ana nahoglena ỹaviquetaugui nahiquinchiguiñi yi hueeta'ñi so Eliseo.

Números 22:22

Ca' so Balaam neetalec aso 'ashina, ca' qaicoỹa' quesaua dos lelaatqa. Qam ñi qota'olec ro'ỹo' na'le so'maxare sauaxat ma' eec. Ca' qaỹanaqta'guit queso chicqashiguim lelaatec ñi qara'gaxala', quepaqchiguit queda llicyaxac.

Números 22:24

Ca co'na' ime, ca' so nelaatec quiñi qara'gaxala' qata'ñi yí'maq paguec lqalaqa' so nayic, yí'maq so nayic quiichicñigui yi 'uva lomaateripi. Ca' 'vii naua lquepaqatqate' naua lahil so nayic qano'xonshiguim quena qa'.

Hechos 22:9

Qam saua ỹale' iỹaata'pe ỹauanchirigui so nqai'legaxa, ca no'chi'. Qam sqa 'xaita só'maq na'qaatec qohinapiguiỹa'.

2 Pedro 2:16

Na' ỹo'uet da lasauaxaset, ca' qanelaxa caso 'ashina sqaicaua la'qaatqa, qam na' retaqa, ca ỹahota'ahi naua qom la'qaatqa. Ca' se ỹasenegue quiyim queetalec da leualoxonqaishic so'maxare.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.