Números 22:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' queso pe, ca' ñi qota'olec nachaxana so Balaam. Ca 'naaco' queso'maxare: —No'm yauajo ỹale' nacte qami', ca' quiteguelo, qam qaicaata cá'maq shinac, ca' chaqaica 'viichi'.

Números 22:20 Iomraidhean Croise

Jeremías 1:7

Qam ñi qara'gaxala' 'naac caỹim: Totaxan 'ñirac quiyim qami' ne'necoqui'. Qami' qui', 'itegue cá'maq selachitegue, chaqai 'xachi' cá'maq selachirelec quiyim 'ñirac.

Números 22:19

Qam qaiyiita ro'viiñiỹañi la'xaỹa'ñi najo quena pe, toco' ma' sa'den cá'maq 'naac ñi ỹa'gaxala'.

Números 22:35

Qam so lelaatec ñi qara'gaxala' 'naaco' queso Balaam: —Qami' shichi' quiteguelo nauajo ỹale'. Qam qaicaata cá'maq ỹa'qaatec 'xachi'. Ca' so Balaam queguelo saua nashil nelaatqa queso Balac.

Números 23:12

Ca' so Balaam 'naaco': —Shi'gue shinqac quiyim qaicaata cá'maq nañaañim ñi qara'gaxala' quiyim sa'xat, ca' qaicaata shinac.

Números 23:16

Ca' ñi qara'gaxala' lotqai nachaxana so Balaam, ca' ỹa'vii saua la'qaatqa queta'le. Chaqai qai'neeta 'naaco': —Pillita yí'maq hueeta'ñi ñi Balac, ca 'xachitem ma'le dá'maq ỹa'qaatqaipi saanem qami'.

Números 23:26

Ca' so Balaam 'naaco': —¿Mesqai shi'gue shinac caqami' quiyim ỹim se seshit ỹoqa'a cá'maq sa'xat quecá'maq qaỹamaxailec quiyim shinac quiñí'maq qara'gaxala'?

Números 23:5

Ca' ñi qara'gaxala' ỹa'vii saua la'qaatqa so Balaam. Ime, ca 'naapego': —Mo'e', pillita yi hueeta'ñi ca Balac, ca' 'xachitem ma'le da ỹa'qaatec saanem qami'.

Números 24:13

'Eno'm nañaañim cá'ogue ca 'oro chaqai ca plata hueetaugui na qauochi', qam ỹim se seshit ñapacalec ca la'qaatec ñi qara'gaxala', chaqai sqaica ca so'uet lo'yaxanec, loqo'm ca se no'uen, quiyim chaqai soiquentac. Chaqai qaicaata cá'maq yachilenegue ñi qara'gaxala', ca' chaqaica sa'xat.

Números 24:4

ca quena' 'ue ca iuana, ca' ỹaatqajam re'qootec da leuanaxanaxac, ca' 'vii naua qaỹauanaxanaxanque, chaqai 'vii naua qaỹa'deenaxanaxanque chicqo'ot ñi qota'olec ñí'maq qaica ca lqalanec.