Números 22:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Qam qaiyiita ro'viiñiỹañi la'xaỹa'ñi najo quena pe, toco' ma' sa'den cá'maq 'naac ñi ỹa'gaxala'.

Números 22:19 Iomraidhean Croise

Números 22:18

Qam so Balaam 'naaco' queso'maxare: —'Eno'm ñi Balac nañaañim cá'ogue ca 'oro chaqai ca plata hueetaugui ñi lauo', qam ỹim sqaica ca seshit so'uet ca cocho'qui' loqo'm lodegaxat, quecá'maq se ỹamaxailec ñi ỹa'gaxala' qota'olec.

Números 22:20

Ca' queso pe, ca' ñi qota'olec nachaxana so Balaam. Ca 'naaco' queso'maxare: —No'm yauajo ỹale' nacte qami', ca' quiteguelo, qam qaicaata cá'maq shinac, ca' chaqaica 'viichi'.

2 Pedro 2:15

Na'maxare ỹo'meetajlec, ma' ỹaxanec dá'maq ỹaatqajam 'maxaraic ñicyaxac, ma' ỹadenaxat da llicyaxac so letaxaỹaxanqajnec ñi qota'a, leenaxat Balaam, llaalec so Beor. Ỹo'uet ca se no'uen, ma' ỹahotaque 'ue aca lauegue.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.