Números 22:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam so Balaam 'naaco' queso'maxare: —'Eno'm ñi Balac nañaañim cá'ogue ca 'oro chaqai ca plata hueetaugui ñi lauo', qam ỹim sqaica ca seshit so'uet ca cocho'qui' loqo'm lodegaxat, quecá'maq se ỹamaxailec ñi ỹa'gaxala' qota'olec.

Números 22:18 Iomraidhean Croise

1 Reyes 22:14

Ca' so Micaías 'naaco' queso'maxare: —¡Ỹim saanot ñi qara'gaxala' da ỹa'qaatec quiyim cá'maq nañan ñi'maxare, ca chaqaica sa'xat!

Job 3:15

loqo'm quena nashillipi, quená'maq no'xataxachiguilo naua lauooto' quena 'oro chaqai quena plata.

Daniel 5:17

Co'na'le, ca' so Daniel 'naaco': —Qami' ỹashi chaqai vi'saxauoto naua ramichi', chaqai ỹoqa'a ca 'ỹaañitem quiyim rotaua'e'. Qam ỹim qaiyiita sichoxochiraxarom ca leloxoỹaxague' yaua nerqa quena 'imec lahi.

Números 22:19

Qam qaiyiita ro'viiñiỹañi la'xaỹa'ñi najo quena pe, toco' ma' sa'den cá'maq 'naac ñi ỹa'gaxala'.

Números 22:38

Ca' so Balaam 'naaco' queso'maxare: —Nagui, ca' ñovita qami' ña'ajnaxañiraxaua'. Qam tot qaica ca iquesaxanaxa quiyim soiquentac ca ỹa'qaatec; ma' qaicaata cá'maq 'naac ñi qota'olec quiyim shinac, ca' chaqaica sa'xat.

Números 22:8

Ca' so Balaam 'naaco' quesaua'maxare: —La'xaỹa'ñi najo quena pe. Ca ma'le, ca' 'ue ca shinac ma' ỹaataq cá'maq 'naac ñi qara'gaxala'. Ca' so qo'xoiquipi na'ñi yi Moab la'qa'ñi yi'maxare queso pe.

Números 23:26

Ca' so Balaam 'naaco': —¿Mesqai shi'gue shinac caqami' quiyim ỹim se seshit ỹoqa'a cá'maq sa'xat quecá'maq qaỹamaxailec quiyim shinac quiñí'maq qara'gaxala'?

Números 24:12

Ca' so Balaam 'naaco' queso'maxare: —Shi'gue shinac na'le quecaua relaataxahi':

Números 24:13

'Eno'm nañaañim cá'ogue ca 'oro chaqai ca plata hueetaugui na qauochi', qam ỹim se seshit ñapacalec ca la'qaatec ñi qara'gaxala', chaqai sqaica ca so'uet lo'yaxanec, loqo'm ca se no'uen, quiyim chaqai soiquentac. Chaqai qaicaata cá'maq yachilenegue ñi qara'gaxala', ca' chaqaica sa'xat.

Hechos 8:20

Ca' so Pedro 'naapego' so Simón: —Qami' chaqai ana qadami' qui'sa'ñi', ra'lliỹañi. Ma' 'ñi'sapega quiyim qarishiujnaxana ca lame ñi qota'olec.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

Josué 24:10

Qam ỹim sqai saxanegue so Balaam quiyim inaxalgoto qamiri ca la'qaatec se no'uen, ca' no'uen da la'qaatec taalgoto nqai'ne' qamiri. Ca' lotqai ñca'laxaterec qamiri.