Números 22:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' ỹim paguec semaqachiñi' ma'le, chaqai sa'ue cá'ogue cá'maq shiilaxañiraque. Qam na'itquena qouaquiric, se no'uen ca naqairelec ra'qaachiqui' yijo qomyipi.

Números 22:17 Iomraidhean Croise

Ester 5:11

Ca' retaqatecto ỹa'xatetac da lesallaxa, chaqai quiyim 'xoic na llaalqaipi, chaqai quiyim so nashi ỹapacqajnauec quesá'ogue so liỹaripi so'maxare, chaqai ỹaanem yi paguec lecaic loma' ỹapacauec nqai'en quena liỹa lotauaripi so nashi.

Números 22:16

Saua'maxare que', querepegue' so Balaam. Ca co'na' ỹovijta, ca 'neraco': —Ñi Balac, ñí'maq llaalec so Zipor, nela' da la'qaatec quiyim: Qouaqui' nanaqui', 'neeto' lotqai se rasapchi'.

Números 22:37

Ca 'naaco' queso'maxare: —Ỹaatqajam 'ue da ipagaxallic quiyim qoỹaxantaque qami'. ¿Chi'neco' ma' sham se nanaqui'? ¿'Neetapiguio' qavilli' quiyim sqai 'xoic lemaqachic nqaishin aqami'?

Números 22:6

Ca' ỹim sa'deenta quiyim 'ue ca naqairelec ca ra'qaachiqui' lo'yaxanec loqo'm ca se no'uen, qam ipaquichigui cá'maq 'ñirac. Ca' no'uen quiyim se naỹaloxoriñi' quiyim na'itegue najo, ca' se no'uen ca naqairelec ra'qaachiqui', qaiyi se no'uen ca llicyaxac ma'le najo qomyipi, ma' se yalo'guit na'maxare. Sha'apiguito' quiyim ỹoxonec na'maxare, ca' so'daauec quena ña'laua.

Números 24:11

¡Paguec la'maxa quiyim pilli' queca ra'aachi'! Ỹim shinac na'le quiyim so'uet ca remaqachiqui' lodegaxat, qam ñi na'gaxala' se ỹa'maxaren.

Mateo 14:7

Ca' ỹaanec i'taxachichiguiñi da la'qaatec ipacqajanchigui quiyim ỹaanem cá'maq canchaqaica roỹaxanaque aso'maxare.

Mateo 16:26

Ma' ¿negue' quet ca 'negue queca qom quiyim laueguec ná'ogue na hueetalec na 'laua, qam na'laxatañi dá'maq chi nachaalataxac? loqo'm ¿ỹote' quet aca ishiueten ca qom quiyim rapilaxat dá'maq chi nachaalataxac?