Números 22:12 - La'qaatqa ñi qota'olec Qota'olec & Qota'olec Novita Na Qomyipi

¹² Co'na'le, ca' ñi qota'olec 'naaco' queso Balaam: —Totaxan oquiteguelo chaqai se na'aa ca naqairelec ra'qaachiqui' najo qomyipi, ma' najo qomyipi mashic shi'gue saanec da ỹa'qaatec quiyim ño'ueenaxat ca llicyaxac.

Números 22:12 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Salmos 146:5

Chalego loyac quecá'maq qom qaỹotauan quiñi nqota'olec so Jacob, cá'maq ỹomato'ot da naquitaxac quiñí'maq qara'gaxala' qota'olec.

Isaías 61:9

Na llaalqaipi ỹaatqajam choxoraic quena ỹoreta'oguit qomyipi; ná'ogue ná'maq iuana chaqa'ma' ỹa'den quiyim ñi qara'gaxala' no'ueenaxat da no'ueenataxac.

Miqueas 6:5

Qamiri ỹalamaxarete', ñaq no'viñigue nagui dá'maq na'deenaxac na'le so nashi quiyi Moab leenaxat Balac quecá'maq sham 'neeta'guelo qamiri, chaqai dá'maq la'qaatec na'le só'maq llaalec so Beor leenaxat Balaam. No'viñigue na' chigoxoichi'ñi yi Sitim, ca 'iỹa'gue da Gilgal, chaqai 'yiiñira'a quiyim so'ootaxanteguelgoto qamiri na'le.

Números 22:11

quiyim 'ue ca qomyipi chicqota'gue da Egipto, ca neuagaxajlec ná'ogue na 'laua. Ca' ñi Balac ỹahotaque quiyim chaqa'ma' shic, se no'uen ca ỹa'qaatec senaxalec. Sha'apiguito' quiyim ishit quiyim loxonec, ca' ỹo'daauec quiyi na'laua.

Números 22:13

Ca' queso liỹa na'xa'a na' nete'etam co'na' ne'laxashiguim so Balaam. Ca 'naaco' queso nashillipi nelaatqaipi queso Balac: —Mohi, pilliỹa ca 'laua chigoxoiỹa'a, ma' ñi qara'gaxala' se yasen quiyim shigueguelo qamiri.

Números 22:6

Ca' ỹim sa'deenta quiyim 'ue ca naqairelec ca ra'qaachiqui' lo'yaxanec loqo'm ca se no'uen, qam ipaquichigui cá'maq 'ñirac. Ca' no'uen quiyim se naỹaloxoriñi' quiyim na'itegue najo, ca' se no'uen ca naqairelec ra'qaachiqui', qaiyi se no'uen ca llicyaxac ma'le najo qomyipi, ma' se yalo'guit na'maxare. Sha'apiguito' quiyim ỹoxonec na'maxare, ca' so'daauec quena ña'laua.

Números 23:23

Quena llaalqaipi so Jacob qaica ca 'negue quiyim qainaxalec ca se no'uen, quena Israel llaalqaipi qaica nqai 'negue nqai'en cá'maq qohine'tegue ca ne'naxac. Ca' nagui qaidaata quiyim qohinac quena Israel: ¡Ỹaatqajam 'xoic na ỹo'uet ñi qota'olec caqami' ỹo'uet da ne'laxa!

Números 23:3

Ime, ca' so Balaam 'naaco' queso Balac: —Ro'viiñirañi quenaua qarachitaxanataxanqate. Ca' ỹim ñaqai saigue dajo, sha'apiguito' nachaxana ỹim ñi qara'gaxala'. Ca ma' ime, ca' sa'xatem qami' cá'maq ya'deenaxanaxanegue. Ca' so Balaam quepegue' aso quemaralec ladocai qaica qom,

Números 23:8

Qam ¿negue' quet cá'maq shinta'gue quet quiyim senaxalec quet cá'maq se no'uen cá'maq ñi qota'olec mashic ỹaanem da lqouagaxa? ¿Negue' quet cá'maq 'neeta quiyim sahotaque ca se no'uen quecá'maq nqouaguegue ñi qara'gaxala'?

Números 24:9

Quena' ỹovita quiyim nco'matec nenanñi so Israel llaalqaipi, ca' 'ec ca regat: qaica ca ishit nqo'xon. ¡Ỹaatqajam qai'xoren cá'maq i'xoren yi'maxare, qam ỹaatqajam 'ue da nqa'viic cá'maq se i'xoren yi'maxare!

Mateo 27:19

Ca co'na' so Pilato ñaq nqa'xantalec so lo'ueenataxanqa', ca' aso loua 'uo' so nelaro la'qaatec, 'naaco': “'Neeto' lotqai 'iisapegueu'a so ỹale huagaxaraic, ma' squepe chalego lichic so i'guemataxac sauaxat so'maxare.”

Romanos 11:29

Ma' cá'maq ỹaan ñi qota'a, ca se liỹa icona, chaqai se ishit quiyim se ipacqajñigui so loỹaxanaxac.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

Deuteronomio 23:5

Qam ñi qara'gaxala' qota'olec se na'xaỹaxana so Balaam. Ta'ta'a quiyim ñiguit nqai'en só'maq se no'uen la'qaatec so lo'yaxanec la'qaatec caqamiri, ma' re'xoriñii.