Números 21:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca quepegue'o' ca neeta'ñi so Moisés. Ca 'naaco': —¡'Uo' da qarasauaxaset, ma' qomi' se no'uen da sa'xatqatac quiñi qara'gaxala' chaqai caqami'! Ca ¡'maxaraic quiyim shiila'e' ñi qara'gaxala' quiyim naqata'a coqomi' na nanaiquipi! Ca' so Moisés ỹashiila ñi qara'gaxala' quiyim sqai caapeguem so Israel llaalqaipi.

Números 21:7 Iomraidhean Croise

Génesis 20:17

Co'na'le, ca' so Abraham nqouagaxainot ñi qota'olec, ca ñi'maxare imeuec nqai'en so Abimelec chaqai aso loua. Qai'neeta imerec nqai'ne' saua lelaata, qaiyi ishit 'ue ca llaalegue'.

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Job 42:10

Ca co'na' ime quiyim so Job nqouagaxainteguelgoto saua nauochaxaua', ca' ñi qota'olec ỹopilaxatot na'le so lesallaxa, qam ỹaatqajam ỹa'iitec nqai'en so ỹaanem.

Job 42:8

Ca' nagui, ca coñiu'alo caua siete toorol chaqai caua siete qagreta louaari, ca quiipegue' ñi ilaatec Job, ca 'ỹaañiuo quiyim qaỹavigaxat. Ca' ñi ilaatec Job nqouagaxainlgoto qamiri, ca' ỹim secoñiguit ma'le ca nqouagaxainaxac. Ca' sqaica ca shinegue caqamiri ma'le, ma' 'ue quet ca nouaxanaxashichii, ma' sqai 'xachii cá'maq lliqueta caỹim, sqai 'ñiita dá'maq 'ne'tegue ñi ilaatec Job.

Éxodo 10:17

Qam ñi'xoresene'toto qamiri quiyim qainaquita nagui sqo quiỹapeguem da ỹasauaxaset chaqai quiyim nqouagaxaiñiỹot ñi qota'olec ñí'maq ra'gaxalari, quiyim naqata'a aỹim quedajo ñouaxanaxaset ralauataxan.

Éxodo 32:30

Ca' queso liỹa na'xa'a, ca' so Moisés 'naaco' queso qomyipi: —Qamiri ỹaatqajam chalego lecaic da rasauaxashichii. Ca' vichiguiño' nagui, ca saashi'ma ñi qara'gaxala', sha'apiguito' seshit quiyim ỹapalaxat da rasauaxashichii.

Éxodo 8:28

Co'na'le, ca 'naaco' so Faraón: —Hua', ỹim saxanterec qamiri quiyim quiipegue' yi 'laua qaica qom, qaiyi vigaxachii aca rachitaxanataxanqachii, ca 'ỹaañiỹot ñi ra'gaxalari qota'olec. Qam 'neeto' paguec qoỹoqo'teguelo qamiri quenajo, chaqai nqouagaxaiñitalec aỹim qai'neeta.

Éxodo 8:4

Ma'le, ca' renojlec qami' ana piyiloxoloxo, chaqai na rotaua'e'ipi, chaqai ná'ogue na qauochi' laseripi.

Éxodo 8:8

Co'na'le, ca so Faraón roỹaxane'ogalo' saua Moisés chaqai so Aarón, ca 'naaco': —Nqouagaxaiñiỹot ñi ra'gaxalari qota'olec, qaiyi naqat caỹim chaqai quena iuo' laseripi ana piyiloxoloxo. Ca saxanec ma'le na qauori quiyim ỹo'uet aca lachitaxanataxanqate, ca ỹaanot ñi'maxare.

Jeremías 37:3

Ca' so nashi Sedequías ila' so Jucal, llaalec so Selemías, chaqai so netaxaỹaxanqajnec Sofonías, llaalec so Maasías, quiyim querepegue' so Jeremías, ca 'nerapega: “Nqouagaxaiñirelgoto qomi' quiñi qara'gaxala' ñí'maq qota'olec coqomi'.”

Oseas 5:15

Ca ma'le, ca' yapila na ỹoma', chi ỹovireto'o' ma' yi'maxare no'uenegue da lasauaxaset, ca' nanac idaanaque aỹim. ¡Ma' ỹovira'a da le'xoric, ca' idaanaque aỹim!

Mateo 27:4

Ca 'naaco' quesaua'maxare: —Ỹim 'ue da ỹasauaxaset, ma' saañiguit da lelauaxa so ỹale qaica ca ỹasauaxat. Qam saua'maxare 'neraco': —Dajo coqomi' ¿negue' quet cá'maq 'negue? Ma' ¡dá'maq dajo chi rasauaxashichi'!

Hechos 8:24

Ca' so Simón 'naaco': —Nqouagaxaiñilec aỹim, shiilahi ñi qara'gaxala', qaiyi sqaica ca taalec aỹim quená'ogue nataq qaỹa'xachim.

Romanos 10:1

Qamiri ỹaqaỹarolqa, ỹaatqajam 'xoic da lishoxo añi i'taxanata chaqai sashiilatac ñi qota'olec quena Israel llaalqaipi, ma' sahotaque quiyim qanca'laxatec.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.

1 Samuel 15:24

Co'na'le, ca' so Saúl 'naaco' queso Samuel: —Ajá'a, llic quiyim 'ue da ỹasauaxaset, ma' ỹim se ipaguigui nqaishin da la'qaatec ñi qara'gaxala' chaqai da rapaxaguinataxanaxaqui', ma' yo'cha'a na qomyipi, ca' ña'xaỹaxana quedá'maq ỹahotaque.

1 Samuel 15:30

Ca' so Saúl 'naaco': —Ỹim 'ue da ỹasauaxaset. Qam nagui qouaquiric iuanchigui nqai'ñi' ná'ogue na qo'xoiquipi chaqai quená'ogue na qomyipi quiyim qaiyiita se napaquirailec quiyim ỹim nashi. Ca' vichiguiño' rapilli' quiyim ñauequeta'pegue' qami', qaiyi ñqouagaxainot ñi ra'gaxalachi' qota'olec.