Números 20:8 - La'qaatqa ñi qota'olec Qota'olec & Qota'olec Novita Na Qomyipi

⁸ —Coñita aca rashillichi'i', ca' notauañise'e' ma'le ñi rqaỹa'e' Aarón, ca' lapooñiỹata' ma'le na qomyipi. Ime, ca' iuanchigui nqai'ñi' ná'ogue na qomyipi, ca chaqai 'ñirapega ada qa' quiyim ỹa'ue ca huaxaỹaq. Ca ma'le, ca' huañita quiyim ada qa' chicqochigui ma'le ca huaxaỹaq, qaiyi ne'et na qomyipi chaqai na laloipi.

Números 20:8 Iomraidhean Croise

Génesis 18:14

¿'Uo' ca lqalanec ñi qara'gaxala' quiyim ỹo'uet? Quena liỹa ñaaxa, ca lotqai liỹa ñovita qami', ca mashic 'ue ma'le ca llaalec añi Sara.

Salmos 33:9

Ma' ñi'maxare na' retaqa, ca ná'ogue 'ue; chaqai na' ỹaanec da la'qaatec, ca ỹomat na lo'ueenatqaipi.

Éxodo 14:16

Ca' chaxañirishiguim ana rashillichi'i', nalojlec nqai'ñi' da rqai'laxachi' ana huaaxai. Ca' shicchigui nqai'ñi' na huaxaỹaq cana huaaxai, qaiyi na Israel llaalqaipi pacta, 'ec rashivichigui.

Éxodo 17:9

Co'na'le, ca' so Moisés 'naaco' queso Josué: —Vite nca'a'ira'alo ỹale', ca' quiichiguit ma'le, ca nalauachire'e' na Amalec llaalqaipi. Ca' ỹim seuetalec ma'le ada qa' ladocai, llo'qoota'a ma'le aca qo'paq lashilete ñi qota'olec.

Éxodo 4:17

'Xachite' ma'le anajo nashilete, ma' chaqana aná'maq 'ueenataxañita ma'le quiyim 'viichi' cá'maq ỹo'uet ca ne'laxa. (4.18-26 Ñi qota'olec 'au na'maxate'e' so Moisés, ca pil nqai'en queda Egipto.)

Éxodo 4:2

—¿Negue' ná'maq lo'qo'isa'a? —'naaco' ñi qara'gaxala'. Ca so Moisés 'naaco': —Ỹashilete.

Éxodo 7:20

Ca' so Moisés chaqai so Aarón 'neetetegue dá'maq qohinapegalo quiñi qara'gaxala'. Ca' so Aarón ỹachaxanshiguim aso lashilete, ca' ỹouaxanñigui so huaxaỹaq caso lachiugue, iuanchigui nqai'en so Faraón chaqai so lotauaripi. Ca sá'ogue so huaxaỹaq ñigui leuoripi.

Isaías 43:20

Yimaqachin ma'le na iseripi hueuec, na nouaxaỹaxallipi chaqai na mañiguiripi, ma' ne'paxanshiguim nqaishin ca huaxaỹaq quiyi 'laua qaica qom, so'uet aca lachiugue hua'ñi yi 'laua rashivijlec, sahotaque ni'chigui na ỹalamaxaret ica'acseripi,

Números 20:11

Ca co'na' ime 'naac dajo so Moisés, ca nanojshiguim aso lashilete, ca' dos ỹouaxano caso qa'. Ca' nahinec so huaxaỹaq, ca' so qomyipi chaqai so laloipi ne'et.

Números 20:7

Ca' ñi qara'gaxala' 'naaco' queso Moisés:

Mateo 21:21

Ca' so Jesús 'naaco' quesaua'maxare: —Ỹaatqajam llic da shinac caqamiri, quiyim llic 'ue ca rpi'ỹaxaguii chaqai ỹaatqajam 'chichiguiñi nqai'ñii, mesqaidaata dajo shichii 'viichii. Ma' quiyim 'ñiỹapega anajo quemaralec late'ogue': “Qo'ñi' quenajo, 'iriñigui aso huaaxai”, ca' chaqaida 'neeta ipaquichigui dá'maq 'ñiỹac.

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Juan 16:24

Vire'ta nagui saqa'leca ca shiilaxañiỹaque quiyim quiichigui nqai'ñii da ỹeenaxat; shiilaxañii, ca' coñiguit, qaiyi 'xoic ma'le ca netoonaxaguii.

Hechos 1:14

Sá'ogue lapoỹato'o' quen, ca' nqouagaxain, ỹalequesaho saua lqaỹa' so Jesús, chaqai aso late'e María, chaqai so liỹa 'aallipi.

Josué 6:20

Ca' so qomyipi co'na' ỹaualaq chaqai so netaxaỹaxanqajanqaipi pi'chigui so lpe'tellipi. Ca co'na' 'qaa so Israel llaalqaipi queso lelamaxa so npe'tellipi, ca' ỹaatqajam netenegue da laualaxac, ca' so lapoxonaxat yi na'a' 'guiñi. Ca' qaỹalamaxatau'a yi'maxare, ca' noxonec.

Josué 6:5

Ca ma' qamiri 'xaiỹaque cá'maq ỹaatqajam no'uen npe'taxanaxac, ca' qamiri ỹaatqajam nichiñigue ca raualaxaguii, ca' na nquepaqataxanaxat 'guiñi ma'le. Ca' ma'le, ca' quiñi 'óna caqamiri ỹalamaxateta'a yi na'a'.

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.