Números 20:5 - La'qaatqa ñi qota'olec Qota'olec & Qota'olec Novita Na Qomyipi

⁵ ¿Chi'neco' ma' naqachiu'alo qomi' quiyi Egipto, ca' qaraviguiuec quenajo 'laua chalego la'aaxa? Quenajo se ỹa'maxañi 'ue ca qoỹanñi. Qaca aca 'igo lashi, chaqai ana 'uva, chaqai na granado. ¡Vire'ta na huaxaỹaq qaica quiyim ñi'taxagui!

Números 20:5 Iomraidhean Croise

Jeremías 2:2

Mo'e', ma' vichita yi na'a' lodegaxat Jerusalén, ca taxahi'; nichintegue ca ra'qaachiqui', qaiyi ỹaatqajam qara'xaỹa, 'ñiraco': Da la'qaatec ñi qara'gaxala' 'neetasa': So'leente'te na' ñaqai qami' nogot ỹaatqajam na'maxachite' quen, na' secoñiraxaua' quiyim qami' ỹoua, ỹaatqajam rqo'chiriua' na'le, ca' qui'sa'pegue' na'le aỹim quiyi 'laua qaica qom, yí'maq 'laua qaica ca qoỹanlec.

Jeremías 2:6

Mesqaica ma' huapigui quet lauel quiyim idaanaque aỹim quiyim ñaqata'a na'le quiyi Egipto. Ca' sashaxantac quiyi 'laua qaica qom, yi 'laua rashivijlec chaqai 'xoic ana tema, yi 'laua qaica na huaxaỹaq chaqai 'xoic lichic, yi 'laua qaica ca nelec, yí'maq qaica ca ishit quelec.

Números 20:24

—Ñi Aarón mashic ỹovita yi lqodoc aca lqauaxaqui, ca se inoxona'a yí'maq 'laua saanem na Israel llaalqaipi, ma' hua'ñi na' ne'paxanec so huaxaỹaq quiyi Meriba, ca' qamiri sqai pacqajanchigui dá'maq shinac.