Números 20:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca co'na' retan so Israel llaalqaipi quiyim so Aarón ileu, ca' qanoỹenteguelec quesaua treinta na'xata'.

Números 20:29 Iomraidhean Croise

Génesis 1:10

Ca ná'maq rashivita ñi qota'olec leenaxato' nqai'en 'laua, chaqai ná'maq lapooqo' na huaxaỹaq leenaxato' nqai'en huaaxai. Co'na'le, ca' ñi qota'olec iuana quiyim ná'ogue ỹa'maqachiguiñi.

Génesis 1:5

Ca na'xa'a leenaxat nqai'en só'maq re'qoochiguiñi, chaqai so napalaxa, ca' leenaxat nqai'en pe. Ca' chaqaido' dá'maq 'neeta na' ime so 'auaxaic na'xa'a.

Génesis 23:2

Ca' ileu quiyi Quiriat-arba, yí'maq nagui na'a' leenaxat Hebrón, huaugui yi 'laua Canaán. Ca' so Abraham noỹen na' ileu aso Sara, ca ỹadenaxachichigui da no'ueenataxac ná'maq 'ue ca lasauaxanec.

Génesis 50:10

Ca co'na' qaỹovita yi Goren-ha-atad yí'maq pa'ỹa'gue da lqodoigue caso lachiugue Jordán, ca' qaỹo'uet so nasouaxac, ca' noỹentagui so qomyipi na'le. Ca' so José ỹo'uet so lasouaxac quesaua siete na'xata' queso leta'a.

Génesis 50:3

Ca' ỹovi' cuarenta na'xata' quiyim qaỹocoretapigui, ca rashivi so loshicmaxa, ma' chaqaiyaua yauá'maq na'xata' naloqojonqa quiyim qaỹo'uet dajo, qaiyi sqai sogui. Ca' so Egipto laseripi ỹovite' yaua setenta na'xata' ỹo'uet da netanec da lasouaxac so Israel.

Hechos 8:2

Ca 'vio' saua ỹale' ỹaatqajam 'maxataxaraqa, queesalec ñi qota'olec, chaqaisaua sauá'maq ishiñiñi so Esteban, noỹenseguelec so'maxare.

Deuteronomio 34:8

Ca' so llaalqaipi so Israel noỹenteguelec so Moisés quesaua treinta na'xata' hua'ñi yi 'laua qaica qom quiyi Moab, ca' qaipacqajanchiguilo saua na'xata' quiyim nasouaxaqui' queso'maxare.

1 Samuel 25:1

Ca' so Samuel ileu. Ca' sá'ogue so llaalqaipi so Israel lapoỹata', ca' noỹenteguelec so'maxare. Ca' qaishinñi quiyí'maq lalamaxaret na'laua quiyi Ramá. Ca co'na' ime, ca' so David quepegue' yi 'laua qaica qom, leenaxat Parán.