Números 20:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca' yí, hua'ño' na' so Moisés naqate' saua loho so Aarón no'ueetaxaqui' quiyim netaxaỹaxanqajnec, ca' ỹañiguilo so llaalec Eleazar. Ca' chaqaiyi hua'ño' na' ileu so Aarón. Ca' so Moisés chaqai so Eleazar renochiñi caso qa' ladocai.

Números 20:28 Iomraidhean Croise

Números 20:1

Ca' queso 'auaxaic shiraigo queso ñaaxa, ca' so Israel llaalqaipi ỹovita yi 'laua qaica qom, leenaxat Zin. Ca' 'vii saua na'xata' neeta'ñi yi Cades. Ca' quiyi, hua'ño' na' ileu aso María, ca' qaishinñi quiyi'maxare.

Números 20:26

Ca' quiyi, ca' naqachi' naua loho no'ueetaxaqui' quena' ỹovita quiyim retaxaỹa'pegue' aỹim, ca ỹañiriguilo da Eleazar. Ca hua'ñi yi'maxare, ca' ileu ma'le da Aarón.

Números 20:27

Ca' so Moisés 'ne'tegue dá'maq 'naaco' ñi qara'gaxala'. Ca iuanchigui nqai'en sá'ogue so Israel llaalqaipi na' taarishi'megue aso qa' leenaxat Hor.

Deuteronomio 34:5

Ca' chaqaida dá'maq 'neeta na'le so Moisés só'maq lelaatec ñi qota'olec ileualec yi 'laua Moab, ma' chaqaida dá'maq 'naaco' na'le ñi qara'gaxala'.

Deuteronomio 34:9

Ca' so Josué, só'maq llaalec so Nun, chicqo'ot so Moisés da la'deenaxanaxa so'maxare, ma' so Moisés ỹashil-lec na'le so'maxare, ca nqouagaxainlec. Ca vichiguiño' so Israel llaalqaipi ỹaatqajam na'xaỹaxane'ta so'maxare, ca ipacqajanchigui dá'maq 'naaco' na'le ñi qara'gaxala' queso Moisés.

2 Pedro 1:15

Qam ỹaatqajam yiuogoq, qaiyi ma' ime quiyim yileu, qai'neete' qamiri se neme o'lliinchitapigui nauajo.