Números 20:24 - La'qaatqa ñi qota'olec Qota'olec & Qota'olec Novita Na Qomyipi

²⁴ —Ñi Aarón mashic ỹovita yi lqodoc aca lqauaxaqui, ca se inoxona'a yí'maq 'laua saanem na Israel llaalqaipi, ma' hua'ñi na' ne'paxanec so huaxaỹaq quiyi Meriba, ca' qamiri sqai pacqajanchigui dá'maq shinac.

Números 20:24 Iomraidhean Croise

Génesis 15:15

Qam caqami', ca' ma' qami' qo'xoỹom, ca qaigueme rillivi', qam qaicanqaida. Ime, ca lapo'ichiguit ca 'auaxaic qataa'i'llipi.

Génesis 25:17

Ca' so Ismael ỹovito'o' saua ciento treinta y siete ñaxari, ca' ỹovita ca lqodoc aca lqauaxaqui. Ca co'na' ileu, ca lapou'a so 'auaxaic leta'allipi.

Génesis 25:8

Ca co'na' mashic ỹaatqajam qo'xoỹom, ca' ileu, ỹalauat dá'maq chi lqo'xo. Ca' eec lapoouo queso 'auaxaic leta'allipi.

Génesis 35:29

Ca' lapooguita saua 'auaxaic leta'allipi co'na' mashic qo'xoỹom. Ca' saua llaalqa Esaú chaqai so Jacob ishiñiño' na'le so'maxare.

Génesis 49:29

Ca 'uo' so na'xa'a so Jacob ỹa'uo' da la'qaatec queso llaalqaipi, 'naaco': —Tot qaỹaloq yileu. Ca ma' yileu, yishiñiño' ma'le quiyi hua'ñi yi ita'allipi, quiñi lauac na'ñi yi na'laua so Efrón só'maq hitita le'ec,

Génesis 49:33

Ca co'na' so Jacob ỹomat da laqataxac queso llaalqaipi, ca' liỹa nenanñi queso lomala'. Ca ileu.

Éxodo 17:7

Ca ỹanco' leenaxat novirqataxanqa' yijo 'laua, ma' so Israel llaalqaipi ỹaatqajam ỹoviraqta'a so Moisés. Chaqai qai'neeta ỹanco' leenaxat 'guenqa', ma' so qomyipi i'gueno' na'le ñi qota'olec, co'na' 'naac: ¿Ỹalequetauguilo' qomi' ca qara'gaxala', loqo'm 'e'?

Números 20:26

Ca' quiyi, ca' naqachi' naua loho no'ueetaxaqui' quena' ỹovita quiyim retaxaỹa'pegue' aỹim, ca ỹañiriguilo da Eleazar. Ca hua'ñi yi'maxare, ca' ileu ma'le da Aarón.

Números 20:5

¿Chi'neco' ma' naqachiu'alo qomi' quiyi Egipto, ca' qaraviguiuec quenajo 'laua chalego la'aaxa? Quenajo se ỹa'maxañi 'ue ca qoỹanñi. Qaca aca 'igo lashi, chaqai ana 'uva, chaqai na granado. ¡Vire'ta na huaxaỹaq qaica quiyim ñi'taxagui!

Josué 2:9

—Ỹim sa'den quiyim ñi ra'gaxalari ỹaanema qamiri najo 'laua, ma' ñi'maxare ỹo'uet quiyim 'xoic da qarqolonaxa. Ma' ná'ogue ná'maq neeta'ñi najo ileuapeguem da lqolonaxa sauaxate' qamiri.

Jueces 2:10

Ca' qai'neeta ileu so llaalqaipi so Israel só'maq naloxouaripi so Josué. Ca' chaqaida 'neeto' na'le quiyim so dalaxaic ne'qaañi qomyipi qaica ca ỹa'den ñi qara'gaxala' chaqai ná'maq lqouagaxa queso Israel llaalqaipi.