Números 20:2 - La'qaatqa ñi qota'olec Qota'olec & Qota'olec Novita Na Qomyipi

² Ca co'na' so qomyipi qaica ca laquip, ca' lapoỹata', ca' 'ue na ỹa'xat se no'uen queso Moisés chaqai queso Aarón.

Números 20:2 Iomraidhean Croise

Éxodo 16:12

—Ỹim sa'qaatapega na Israel llaalqaipi na' queeteguelec aỹim yinaqatac. Taqaira'pegue' na'maxare, ca 'ñirapego': Ma' lavitari', ca' qui'ii ma'le la'at. Chaqai quiyi nete'eta, ca' qui'ii ma'le queca pan, chi ỹovireta'a rquemari. Qaiyi 'yiiñii ma'le quiyim aỹim ra'gaxalari qota'olec.

Éxodo 16:2

Ca' quiyijo 'laua qaica qom, ca sá'ogue so'maxare queeteguelec quena se no'uen so Moisés chaqai so Aarón.

Éxodo 16:7

Chaqai ma' nete'e ma' nete'etam, ca' huañiỹa ma'le da lquesaxanaxa ñi qara'gaxala', ma' ñi'maxare 'xaỹa dá'maq 'xachitac se no'uen quiñi'maxare. Ma' ¿negue' queto' qomi' quiyim qarenaxaitac?

Números 14:2

Ca sá'ogue so qomyipi se no'uen na ỹa'xat taalec nqai'en so Moisés chaqai queso Aarón, 'naaco' quen: —¡Saxanchi' qareleualco' na'le yi Egipto loqo'm quenajo 'laua qaica qom!

Números 14:9

Qam 'neeto' sqai viilec ñi qota'olec chaqai se ro'chiỹa yí'maq qomyipi neetalec yi'maxare. Ma' yi'maxare sqaica sauaqaque ma'le, ma' yi'maxare qaica cá'maq ro'ootaxanlec. Qam quená'maq qomi' 'ue ñí'maq qara'gaxala'. ¡Sqaica ro'chiỹaque!

Números 21:5

Ca' 'ue da ỹa'xat se no'uen quiñi qota'olec chaqai queso Moisés. 'Naaco' quen: —¿Negue' cá'maq 'neco' quiyim naqachiu'alo qomi' quiyi Egipto? Chaqai ¿viitaco' qareleualec na 'laua qaica qom? Qaica ca qaraquip chaqai ca qonoq. Ca ¡mashic qaramaqa'gue ná'maq sa'guinqatac qaica ca loyac!