Números 20:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca co'na' ime 'naac dajo so Moisés, ca nanojshiguim aso lashilete, ca' dos ỹouaxano caso qa'. Ca' nahinec so huaxaỹaq, ca' so qomyipi chaqai so laloipi ne'et.

Números 20:11 Iomraidhean Croise

Salmos 74:15

Ca' qami' 'viichi' ana huaxaỹaq lahi' chaqai ana lachiuguellipi, chaqai 'im nqai'ñi' na lachiuguellipi se ỹauanapega 'im.

Éxodo 17:6

Ca' ỹim ñauaanta'piguit qami' ma'le cada qa' ladocai, leenaxat Horeb. Ca' ma' huaxañirigui ada qa', ca nenoxonec ma'le na huaxaỹaq, qaiyi ne'et na qomyipi. Ca' so Moisés co'na' 'ne'tegue dajo, qam iuanchigui nqai'en so qo'xoiquipi queso Israel llaalqaipi.

Isaías 43:19

Ỹim ma'le sa'ue ca so'uet dalaxaic, ca huañita ma'le quiyim chaqaida re'oq ipaquichigui. Huategue nqaishin ca nayic quiyi 'laua qaica qom, chaqai so'uet aca lachiugue quiyi 'laua rashivijlec.

Números 20:8

—Coñita aca rashillichi'i', ca' notauañise'e' ma'le ñi rqaỹa'e' Aarón, ca' lapooñiỹata' ma'le na qomyipi. Ime, ca' iuanchigui nqai'ñi' ná'ogue na qomyipi, ca chaqai 'ñirapega ada qa' quiyim ỹa'ue ca huaxaỹaq. Ca ma'le, ca' huañita quiyim ada qa' chicqochigui ma'le ca huaxaỹaq, qaiyi ne'et na qomyipi chaqai na laloipi.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

1 Corintios 10:4

chaqai sá'ogue ni'chigui so niquip se re'xogui. Ma' ne'teetapigui so huaxaỹaq chicqotapougui aso qa' se re'xogui queeta'pegue' so'maxare quecanchaqa taigue. Ca' sojo qa' chaqaiso so Cristo.

Santiago 1:20

Ma' ca qom nocqaic se ỹo'uet cá'maq ỹa'maxarenta ñi qota'a.

1 Samuel 15:19

ca' ¿chi'neco' ma' sqai pacqajñirigui dá'maq qohinac caqami'? Ta'ta'a quiyim nquipichirelec ná'maq qarouootaxana'gue queso npa'guenaxaua, ca' iuanchigui qami' ñi qara'gaxala' quiyim se no'uen da 'viichi'sac.

1 Samuel 15:24

Co'na'le, ca' so Saúl 'naaco' queso Samuel: —Ajá'a, llic quiyim 'ue da ỹasauaxaset, ma' ỹim se ipaguigui nqaishin da la'qaatec ñi qara'gaxala' chaqai da rapaxaguinataxanaxaqui', ma' yo'cha'a na qomyipi, ca' ña'xaỹaxana quedá'maq ỹahotaque.