Números 20:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ime, ca' so Moisés chaqai so Aarón lapoonta' sá'ogue so qomyipi quiyi naloote'oga so qa'. Ca' so Moisés 'naaco': —Na'xaỹaxañichiguiñi queda shinac qamiri, ma' qaica ca viilec. ¿Peeta'a ishito' chicqochigui nqaishinaq ca huaxaỹaq anajo qa', qaiyi ni'chii queca huaxaỹaq?

Números 20:10 Iomraidhean Croise

Génesis 40:8

—'Ue so qare'guemataxac, qam qaica cá'maq ichoxot ca leloxoỹaxac —'neraco' saua'maxare. —Ca ¿mesqaiño' ñi qota'olec ñí'maq ichoxot cá'maq leloxoỹaxac? —'naaco' so José—. Qamaxahi, 'xachii caỹim cá'maq re'guemataxaguii.

Génesis 41:16

Ca' so José 'naaco': —Qam mesqaỹim chicqochigui. Qam ñi qota'olec ỹaañiraxarom ca leloxoỹaxac, qam da'maxare chi ra'maxa'e'.

Éxodo 17:6

Ca' ỹim ñauaanta'piguit qami' ma'le cada qa' ladocai, leenaxat Horeb. Ca' ma' huaxañirigui ada qa', ca nenoxonec ma'le na huaxaỹaq, qaiyi ne'et na qomyipi. Ca' so Moisés co'na' 'ne'tegue dajo, qam iuanchigui nqai'en so qo'xoiquipi queso Israel llaalqaipi.

Números 20:24

—Ñi Aarón mashic ỹovita yi lqodoc aca lqauaxaqui, ca se inoxona'a yí'maq 'laua saanem na Israel llaalqaipi, ma' hua'ñi na' ne'paxanec so huaxaỹaq quiyi Meriba, ca' qamiri sqai pacqajanchigui dá'maq shinac.

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

1 Corintios 3:7

Ca quecá'maq danaxan chaqai ca rocoraxantac qaica ca 'netegue. Qaiñiita ñí'maq qota'a maq 'ue ca 'negue, ma' ñi'maxare maq ỹo'uet da lañaqtaxac da no'ueenataxanaxac.

Efesios 4:26

Chaqai no'm 'ue ca ro'o, qam se ỹa'ue ca lasauaxaset; chaqai cajo lonogoxonaxac sqai queugui nqai'en cá'ogue ca na'xa'a.

Santiago 3:2

Ma' qomá'ogue 'xoic na qaro'maxaquipi. Qam no'm 'ue ca se ỹo'maac quiyim 'ue ca ỹa'xat, ca' ỹaatqajam 'maxaraic ỹale, ma' ỹaatqajam ỹa'den quiyim nollaañi dá'ogue da no'ueenataxac.