Números 14:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam 'neeto' sqai viilec ñi qota'olec chaqai se ro'chiỹa yí'maq qomyipi neetalec yi'maxare. Ma' yi'maxare sqaica sauaqaque ma'le, ma' yi'maxare qaica cá'maq ro'ootaxanlec. Qam quená'maq qomi' 'ue ñí'maq qara'gaxala'. ¡Sqaica ro'chiỹaque!

Números 14:9 Iomraidhean Croise

Génesis 48:21

Ime, ca 'naaco' queso José: —Ỹim mashic ỹovita quiyim yileu. Qam ñi qota'olec no'ueena'guita qamiri, chaqai ỹopilaxatalo qamiri ma'le yi na'laua so 'auaxaic qareta'allipi.

Nehemías 4:14

Ca na' ỹim yitan quiyim so qomyipi no'chi, ca' ỹim ñachajñi, ca' shinac quená'maq nemaqajnatqaipi, chaqai na nashillipi, chaqai ná'ogue na qomyipi: Totaxan ro'chii, o'lliinchiỹa'a ñi qara'gaxala' ỹaatqajam lodegaxat chaqai chaqaic. Ca' qamiri ỹaatqajam loquilgoto naua qauori lase' chaqai ca qachaalliguii ỹale chaqai aca 'aalo, ca rouahi chaqai naua ra'aachiri.

Salmos 121:5

Ñi qara'gaxala' ñí'maq reloqota'a qami'; ñi qara'gaxala' ñí'maq ro'ootaxanteguelec qami', ñi'maxare mesqai ca'e qami', ma' ỹahotaque rotauañi'sac.

Salmos 14:4

Qaica ca la'deenataxanaxac na hualoxonyipi, ná'maq ỹahotaque ỹomato na ỹalamaxareteripi, 'ec ca qom ỹa'queetac ca pan, ná'maq se ỹa'xat da leenaxat ñi qara'gaxala'.

Salmos 46:11

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Salmos 46:7

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Salmos 46:8

Nahiquena ñaqai 'ajñii ná'maq ỹo'uet ca ne'laxa quená'maq ỹo'uet ñi qara'gaxala' quena 'laua:

Salmos 74:14

tepaxachiriguilo naua lqahigo' so isecỹac lodegaxat, leenaxat Leviatán, ca 'ỹaañirec quiyim qaỹa'ic quena iseripi neuec.

Salmos 91:1

Cá'maq hueeto'ot da lquepaqataxanaxac ñí'maq qoỹoqoshi'megue chaqai qaica lqalanec qota'olec,

Éxodo 14:13

Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Isaías 1:2

Piguim chaqai na 'laua, na'xaỹaxañiỹa da la'qaatec ñi qota'olec, 'naac: Siỹaxat na ỹaalqaipi ỹovireta'a quiyim leta'allipi, qam na'maxare npa'guene'e' aỹim.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Jeremías 1:19

Yi'maxare nco'ỹa'e' qami' ma'le, qam sqaica lovi', ma' ỹim seuetau'e rahi'i' ma'le, squepaqataxanlec qami' ma'le. Ỹim na'gaxala' qota'olec, saanec da ỹa'qaatec.

Jeremías 42:11

Totaxan ro'chiỹa ñi nashi quiyi Babilonia ñí'maq chalego da rqolonaxahi quiñi'maxare. Totaxan ro'chiỹa, ma' ỹim seuetauguilo qamiri quiyim ñca'laxachiuec, ca' se ỹovitalo qamiri da lquesaxanaxa. Ỹim na'gaxala', se'taxajñi da ỹa'qaatec.

Números 13:30

Ca' so Caleb i'maxañi nqai'en so qomyipi reloqoto'ot so Moisés. Ca 'naaco': —¡Qomi' senqalec ma'le yijo 'laua! ¡Qomi' seshitaq souootaxanqa'gue yi'maxare!

Números 20:2

Ca co'na' so qomyipi qaica ca laquip, ca' lapoỹata', ca' 'ue na ỹa'xat se no'uen queso Moisés chaqai queso Aarón.

Números 24:8

Ñi qota'olec ñí'maq naqata'a na'le quiyi Egipto yi'maxare, ca' quiyi'maxare 'neetari' aca tooro lasote quiyim reloquilec. Na Israel llaalqaipi ỹaatqajam nimiichiguiñi nqai'en ma'le ná'ogue na ỹoreta'oguit qomyipi pa'guenaxantac; ỹaqaguit na lpi'nec chaqai que'maqachit, ỹahote'e na lovic.

Mateo 1:23

Aca nequetegaxai saqa' 'on, qam 'manaxai ma'le, ca' 'ue ca llaalec. Qam ca'maxare leenaxato' ma'le Emanuel. Ca' dajo 'naac: Ñi qota'olec ỹalequetauguilo qomi'.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

Deuteronomio 31:6

Ca' 'ñaxachiguilo naua qavilyi, totaxan ro'chii, chaqai se ro'daxachiuec ma' loxoita'guit ca npa'guenaxauahi. Ma' ñí'maq na'gaxala' ñí'maq qota'olec caqamiri ỹalequetauguilo qamiri, se ralachii, chaqai se ro'ueenaxachitañi.

Deuteronomio 31:8

Ca ñí'maq qara'gaxala' chaqaiñi ñí'maq 'auetauec ma'le caqami' chaqai riỹa'isac, se ralachi' chaqai se loỹoote'oga qami'. Ca' vichiguiño' totaxan ro'chi'i' chaqai se ileuetapigui qavilli'. (31.9—33.29 Qaretaqalec so nelaataxanaxaquipi. Dauá'maq co'uaataxante' lapaxaguinataxanaxac so Moisés. So Moisés iuana yi 'laua qaỹachaxantac. So Moisés no'ueenaxat da la'qaatec queso llaalqaipi so Israel.)

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

Josué 1:5

Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.