Números 14:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so Josué chaqai so Caleb, ma' qai'neeta ra'ajnaxanta sojo 'laua, nasectaqta'ahi saua loho queda nqui'ic.

Números 14:6 Iomraidhean Croise

Génesis 37:29

Ca co'na' so Rubén liỹa ỹovita añi ni'ỹa, qa' totqai hueeta'ñigui so José. Ca nasectaqta'ahi saua loho queda lqui'ic nqai'en.

Génesis 37:34

Co'na'le, ca' so Jacob nasectaqta'ahi saua loho, ca' ỹañiñi saua noho nasouaxaqui'. Ca' dajo lasouaxac so llaalec mesqai chita'gue ca ỹapalaxat.

Génesis 44:13

Ca saua'maxare quiñi 'óna nasectaqta'ahi naua loho paguec nqui'ic. Ca na' ime, ca quiñi 'óna inaxashiguim ca li'ỹaac queca lalo 'ashin, ca pilda'a yi na'a'.

2 Reyes 18:37

Co'na'le, ca' so Eliaquim só'maq neloxoỹaq quiñi 'imec lodegaxat, Sebna só'maq neraxanaq, chaqai so Joa ỹiriguiñi da lo'ueenataxanaxac so nashi, 'ue da lachitachigue', ca nasectaqta'ahi saua loho, ca' querepegue' so Ezequías quiyim qara'qaataxana quedá'maq 'naaco' na'le so lotaua so nashi quiyi Asiria.

Job 1:20

Ca' so Job mashic paguec da nqui'ic, ca ne'laxashiguim, ca nasectaqta'ahi saua loho, ca ỹoselaxajlec na lqahic, ca ỹa'chi'iñi naua le'cootal, ca nqouagaxainot ñi qara'gaxala'.

Números 13:30

Ca' so Caleb i'maxañi nqai'en so qomyipi reloqoto'ot so Moisés. Ca 'naaco': —¡Qomi' senqalec ma'le yijo 'laua! ¡Qomi' seshitaq souootaxanqa'gue yi'maxare!

Números 13:6

Ca ỹalequeto qai'neeta so Caleb só'maq llaalec so Jefone chicqaugui na llaalqaipi so Judá.

Números 13:8

Chaqai so Oseas só'maq llaalec so Nun chicqaugui na llaalqaipi so Efraín. (13.4,5,7,9-16 Daua leenqate' sauá'maq diez liỹa' qailate' quiyim ỹa'ajne' yi Canaán.)

Números 14:30

Ca' qaiñiita ñi Caleb chaqai ñi Josué inoxondo ma'le. Ca' qaica ca liỹa 'oonolec caqamiri quiyim inoxona'a yi 'laua yí'maq sachaxantac na'le quiyim sanalgoto qamiri.

Números 14:38

Ca' sá'ogue so'maxare nimiichiguiñi ileu, qaisauate' saua Josué chaqai so Caleb nca'leesauec.

Números 14:5

Ca' so Moisés chaqai so Aarón ỹa'chi'iñi naua le'cootal, ca ỹoviraqtera'guit naua lataapi' na 'laua, ỹaatqajam qaiuanchiguilo quesá'ogue so qomyipi.

Números 14:7

Ca 'neraco' quesá'ogue so Israel llaalqaipi: —¡Yí'maq 'laua sa'ajnaxanaxa qomi' ỹaatqajam chalego loyac!

Mateo 26:65

Co'na'le, ca' so lashi na netaxaỹaxanqajanqaipi nasectaxata'ahi saua loho. Dajo netanec quiyim chalego lauel. Ca 'naaco': —Dajo ỹale napaqueteguelec ñi qota'olec quenaua la'qaatqa. ¿Negue' quet ca liỹa qom souenaq quiyim ra'qaataxan? Ma' qamiri ỹaatqajam 'xaichigui dá'maq la'qaatec quiyim napaqueteguelec ñi qota'olec.

Marcos 14:63

Co'na'le, ca só'maq lashi na la'gaxalateripi na netaxaỹaxanqajanqaipi, so'maxare nasectaqta'ahi saua loho. Ca' dajo netanec quiyim ro'ỹaari'. Ca 'naaco': —¿Negue' quet cá'maq souenqataque quiyim 'ue quet ca liỹa 'ue ca ỹa'xat?

Hechos 14:14

Qam co'na' so Pablo chaqai so Bernabé retane' dajo, ca nasectaqta'ahi saua loho, ma' se ỹa'maxarene' dajo. Ca' taaringui yi lavinñi so qomyipi, ca' nelamaxarene', 'neraco':