Números 14:3 - La'qaatqa ñi qota'olec Qota'olec & Qota'olec Novita Na Qomyipi

³ ¿Chi negue' cá'maq 'neco' quiyim ñi qara'gaxala' nauegue'ogalo qomi' najo 'laua, chi ỹahotaco' qareleu meca lauataq chaqai quiyim na qaroua 'aallipi chaqai na qochaalqaipi noxonec ma'le quena qanpa'guenaxauaripi? ¡Paguec la'maxa queta' sopilaq queda Egipto!

Números 14:3 Iomraidhean Croise

Éxodo 16:3

Ca 'naaco' quen so qomyipi: —¡Saxanchi' ñi qara'gaxala' ileue' nqai'ne' qomi' na'le quiyi Egipto! Na' senqata'ñi quen yí, ñqa'xanqata'ñi' quen aca qana'ueena no'qaachigui quena la'at, chaqai ỹaatqajam qarquema' quena' squi'ỹaq, qam qamiri naviguiu'galo qomi' najo 'laua qaica qom, ma' viitaque qomá'ogue qaralauat qarqopaaxa.

Éxodo 5:21

Ca' qohinapegalo': —Ñi qara'gaxala' ỹa'ajanta'pe qamiri chaqai quiyim ỹouaxane' qamiri queda 'ñii'tegue. Ma' rasauaxashichii quiyim ñi Faraón chaqai na lotauaripi ỹaatqajam qa'viỹa'que qomi' chaqai ỹaan na lo'goxonqateripi, qaiyi qaralauat.

Jeremías 42:14

ca no'm 'ñiỹac: Sahoqotaque saxague da Egipto ma' queda'maxare qaica ca lauataq chaqai se sa'xaiqaque ca lelamaxa aca npe'te lauataq lo'o chaqai se qaralauat ca qarqopaaxa,

Jeremías 42:19

Ca' qamiri ná'maq ñaq ro'viiñiỹalec na 'laua Judá, ñi qara'gaxala' ỹilene' qamiri quiyim sqai 'iigue da Egipto. Ca' 'yiiñita quiyim ỹim saqatalo qamiri nagui.

Números 20:3

Ca 'neraco' queso Moisés: —¡Paguec la'maxa quetaxan qareleua'ñi' na'le so liỹa Israel llaalqaipi só'maq nalauajñi na'le ñi qara'gaxala'!

Números 21:5

Ca' 'ue da ỹa'xat se no'uen quiñi qota'olec chaqai queso Moisés. 'Naaco' quen: —¿Negue' cá'maq 'neco' quiyim naqachiu'alo qomi' quiyi Egipto? Chaqai ¿viitaco' qareleualec na 'laua qaica qom? Qaica ca qaraquip chaqai ca qonoq. Ca ¡mashic qaramaqa'gue ná'maq sa'guinqatac qaica ca loyac!

Hechos 7:39

Qam só'maq 'auaxaic qareta'allipi se na'xaỹaxana so Moisés, chaqaidaata quiyim se qaỹa'maxaringuit, ma' ỹahotaque pilegue da Egipto.