Números 14:2 - La'qaatqa ñi qota'olec Qota'olec & Qota'olec Novita Na Qomyipi

² Ca sá'ogue so qomyipi se no'uen na ỹa'xat taalec nqai'en so Moisés chaqai queso Aarón, 'naaco' quen: —¡Saxanchi' qareleualco' na'le yi Egipto loqo'm quenajo 'laua qaica qom!

Números 14:2 Iomraidhean Croise

1 Reyes 19:4

Ime, ca' eec queetalec yi 'laua qaica qom. Ca queeto' 'óna na'xa'a, vire'to' na' nqa'xanñi ne'tot aca qo'paqo'lli'. Ca chalego' da lishoxo quiyim ileu. Ca 'naaco': —¡Liyi dajo, qami' ỹa'gaxala'! ¡Lqodoc nqai'ñi' ana ỹaqauaxaqui, ma' sqai paguec ỹim 'maxaraic quesaua ita'al!

Job 3:11

¿Chi'neco' ma' se yileuauquio' na'le na lauel aso ỹate'e, loqo'm na' ñi'qaañi, ca' ñileuañi quet?

Éxodo 14:11

Chaqai queso Moisés, ca qohinaco': —¿Ca' sqaco' aca napal lahi' quiyi Egipto, ma' naqachira'alo qomi' quiyim vi'saque qareleu quena 'laua qaica qom? ¿Chi'neco' ma' 'ñitetegue dajo coqomi'? ¿Chi'neco' ma' naqachira'alo qomi' quiyi Egipto?

Éxodo 17:3

Qam so qomyipi 'xoic na laquip. Ca' retaxaỹa'guit so Moisés, ca 'naaco': —¿Chi'negue ma' qolqa'e nqai'ñi' qomi' yi Egipto? ¿Vi'saco' quiyim qaralauat na qaraquip qariỹaata'ñi' na qochaalqaipi chaqai na qoloipi?

Jonás 4:3

Vichiguiño', qami' ỹa'gaxala', nagui ñi'xoresene'tot qami' quiyim coñita da ñachaalataxac. Ma' paguec la'maxa quiyim yileu, sqai 'nejem quiyim yca'leetauec.

Jonás 4:8

Ca co'na' nenoxonshiguim aso ra'aasa, ca' ñi qota'olec nac nqai'en so nonot pa'e chicqa'gue da lqodoigue. Ca so'maxare tajlec so npa'ỹaaxa, ca' chita'co' quen ileueta, ca' ỹahotaco' quiyim ileu. Ca 'naaco': —Paguec la'maxa queta' yileu, mesqai 'nejem quiyim yca'leetauec.

Números 14:1

Co'na'le, ca' so Israel llaalqaipi ỹaualqatagui, ca' sá'ogue so pe noỹentagui.

Números 20:2

Ca co'na' so qomyipi qaica ca laquip, ca' lapoỹata', ca' 'ue na ỹa'xat se no'uen queso Moisés chaqai queso Aarón.

Números 20:3

Ca 'neraco' queso Moisés: —¡Paguec la'maxa quetaxan qareleua'ñi' na'le so liỹa Israel llaalqaipi só'maq nalauajñi na'le ñi qara'gaxala'!

Números 20:4

¿Chi'neco' ma' naviguiuec qamiri quenajo na lalamaxaret ñi qara'gaxala' quena 'laua qaica qom? Loqo'm ¿viitaque qarelliviñi qomi' chaqai na qoloipi?

Números 21:5

Ca' 'ue da ỹa'xat se no'uen quiñi qota'olec chaqai queso Moisés. 'Naaco' quen: —¿Negue' cá'maq 'neco' quiyim naqachiu'alo qomi' quiyi Egipto? Chaqai ¿viitaco' qareleualec na 'laua qaica qom? Qaica ca qaraquip chaqai ca qonoq. Ca ¡mashic qaramaqa'gue ná'maq sa'guinqatac qaica ca loyac!

1 Corintios 10:10

Chaqai se na'quiaaxat ñi qota'a, 'nejem da 'ne'tegue so'maxare quiyim 'uo' quen na queeteguelec ñi'maxare, ca' qanalauajñi queso lelaatec nalauataxanqajnec.

Hebreos 3:16

Ca ¿nega'ỹo' só'maq se na'xaỹaxano' na'le na' 'xaỹaque da la'qaatec ñi qota'a? Sá'ogue só'maq naqateco' na'le so Moisés quiyi 'laua Egipto.

Judas 1:16

Na'maxare ỹaatqajam taxaỹaxaiquipi, chaqai queeteguelec na liỹaripi, chaqai qaidaata ỹahotaque quiyim qainaata ỹa'maqachiguiñi. Chaqai ỹaatqajam lo'yaxanqa naua la'qaatqa, chaqai neneequesenaxahi' naua la'qaatqa quiyim retaxaỹa ca liỹa qom, sha'apiguito' 'ue cá'maq naquitetaque queca'maxare.