Números 13:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca' yi 'laua Néguev neetalec yi llaalqaipi so Amalec; ca yí'maq 'laua 'xoic ana quemaralec qa' ladocai, ca' neeta'ñi na hitita laseripi, chaqai jebuseo laseripi, chaqai amorreo laseripi; chaqai quena lahi aso huaaxai chaqai quena lahi aso lachiugue Jordán, ca' neetalec na cananeo laseripi.

Números 13:29 Iomraidhean Croise

Génesis 14:7

Ca co'na' mashic rapil so Quedorlaomer, ca sauá'maq liỹareta'pe so'maxare na' ỹovirera'a yi En-mispat chaqai qai'neeta leenaxat Cade. Ca' nopoxoỹaxajñi ná'ogue ná'maq quejlec quiyi na'laua na amalecita laseripi chaqai chaqaida 'ne'tegue queso amorreo laseripi neetalec yi 'laua leenaxat Hazezon-tamar.

Éxodo 3:17

Chaqai qai'neeta 'naapiguiỹa' quiyim naqata'alo qamiri queda lqa'viic na Egipto, ca ỹauegue' qamiri queda 'laua na'ñi na cananeoipi, hititaipi, amorreoipi, ferezeoipi, heveoipi chaqai na jebuseoipi. Yí'maq 'laua sqoue naua huaca lo'i' chaqai na rapic li'i. (3.18-22 Dá'maq ỹaanec la'qaatec ñi qota'olec queso Moisés)

Éxodo 3:8

Vichiguiño' ñanac, sahotaque ñaqata'a queda lquesaxanaxa quena Egipto laseripi, ñaqata'a quiyijo 'laua. Ca' sauega yi 'laua lodegaxat chaqai lo'yaxanec, yí'maq hua'ñi quiyim sqoue na huaca lo'i' chaqai na rapic li'i, yí'maq na'ñi na cananeoipi, na hititaipi, na amorreoipi, na ferezeoipi, na heveoipi chaqai na jebuseoipi.

Números 13:17

Ca' so Moisés ilate'o' quiyim ra'ajnaxanta ca 'laua leenaxat Canaán. Ca 'naapegalo': —'Itou'o' ma'le yi Néguev, ca quiitalec yi 'laua 'xoic ana quemaralec qa' ladocai.

Números 13:30

Ca' so Caleb i'maxañi nqai'en so qomyipi reloqoto'ot so Moisés. Ca 'naaco': —¡Qomi' senqalec ma'le yijo 'laua! ¡Qomi' seshitaq souootaxanqa'gue yi'maxare!

Números 14:43

Ca quedá'maq loxoiỹa'gue nauaanta'guita qamiri na Amalec llaalqaipi chaqai ná'maq na'ñi yi Canaán. Na'maxare ma' nalauajto qamiri, ca ralauachii, ma' qamiri mashic oquii'e ñi qara'gaxala', ca ñi'maxare tot ro'ootaxanlgoto qamiri.

Números 14:45

Co'na'le, ca naco' so Amalec llaalqaipi chaqai so na'ñi yi Canaán só'maq neetalec yijo 'laua. Ca' ỹaatqajam ỹocantac so Israel llaalqaipi, ỹoviraqta'a yi Horma, qaica ca ỹauaaque. (15.1—19.22 Najo ỹa'xat da llicyaxac ana nachitaxanataxanqate chaqai quena' qaỹavigaxat, chaqai dá'maq qohinta'gue quena' qaỹa'ue añi lqui'ỹaxaqui na netaxaỹaxanqajanqaipi chaqai na lotauaripi llaalqaipi so Leví, chaqai dá'maq 'neeta quiyim co'taxateta na loshicmaxa. Chaqai qai'neeta ỹa'xat dá'maq npa'guenaxac so Coré.)

Deuteronomio 20:17

Ta'ta'a quiyim ná'ogue nimiichiguiñi nqai'ñii. 'Ec nqai'ñii aca rachitaxanataxanqachii quiñi qara'gaxala' na hititaipi, amorreoipi, cananeoipi, ferezeoipi, heveoipi chaqai na jebuseoipi, ma' chaqaida dá'maq 'naac ñi qara'gaxala'.

Deuteronomio 7:1

Ñi na'gaxala' ñí'maq qota'olec caqamiri inoxonaqta'a ma'le qamiri ca 'laua cá'maq ñiỹalec ma'le. Ca ỹo'daauec ma'le huañichigui ca siete ỹoreta'oguit qomyipi paguec lecaic chaqai paguec lquesaxanaxa caqamiri: na hitita laseripi, na gergeseoipi, na amorreoipi, na cananeoipi, na ferezeoipi, na heveoipi chaqai na jebuseoipi.

Josué 10:5

Ca' notauanta' saua cinco nashil amorreo lase': 'óna so na'ñi yi Jerusalén, chaqai saua liỹa' nera'ñi yi Hebrón, Jarmut, Laquis chaqai yi Eglón. Ca sá'ogue so nalliripi saua'maxare quepegue' nosoralec yi Gabaón quiyim nalauate'e'.

Josué 10:6

Ca só'maq neeta'ñi yi Gabaón ila' da la'qaatec queso Josué neeta'ñi yi nco'matqa' quiyi Gilgal: —Qaica ma' se qarotauañi' quet, ma' qomi' relaataxahi'. Se naỹaloxoriñi' quiyim qarotauañi', 'ootaxañirelgoto qomi', ma' ná'ogue na lashillipi na amorreoipi naalec ana quemaralec qa' ladocaipi, na'maxare notauanta' ỹahotaque nalauajto qomi'.

Josué 3:10

Dajo dá'maq netanec ma'le, qaiyi 'yiiñita quiyim ñi qota'olec ỹalequetauguilo qamiri, chaqai quecá'maq loxoỹa'gue, ñi'maxare i'leguec ma'le na Canaán laseripi, na hititaipi, na heveoipi, na ferezeoipi, na gergeseoipi, na amorreoipi chaqai na jebuseoipi.

Jueces 6:3

Ma' co'quena' na Israel llaalqaipi 'ue na lanecsec, na Madián llaalqaipi, na Amalec llaalqaipi, chaqai na qomyipi chicqa'gue da lqodoigue, nacpegue' quiyim nalauate'e'.

1 Samuel 27:8

Ca' so David chaqai so nalliripi quepegue'o' quen yi Gesur, Gezer chaqai yi Amalec, ca nouora'gue na louenec ná'maq naalec yi 'laua, ỹovira'a yi Telaim chaqai yi Shur, chi ỹovireta'a yi Egipto.