Números 13:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Co'na' ime, ca 'neraco' queso Moisés: —Qolaqpegue' yí'maq 'laua qarelachita. Ỹaatqajam llic quiyijo 'laua ỹaatqajam sqoue na huaca lo'i', chaqai na rapic li'i. Ca' najo aná'maq la ana nanecse quiyijo 'laua.

Números 13:27 Iomraidhean Croise

Éxodo 3:17

Chaqai qai'neeta 'naapiguiỹa' quiyim naqata'alo qamiri queda lqa'viic na Egipto, ca ỹauegue' qamiri queda 'laua na'ñi na cananeoipi, hititaipi, amorreoipi, ferezeoipi, heveoipi chaqai na jebuseoipi. Yí'maq 'laua sqoue naua huaca lo'i' chaqai na rapic li'i. (3.18-22 Dá'maq ỹaanec la'qaatec ñi qota'olec queso Moisés)

Éxodo 3:8

Vichiguiño' ñanac, sahotaque ñaqata'a queda lquesaxanaxa quena Egipto laseripi, ñaqata'a quiyijo 'laua. Ca' sauega yi 'laua lodegaxat chaqai lo'yaxanec, yí'maq hua'ñi quiyim sqoue na huaca lo'i' chaqai na rapic li'i, yí'maq na'ñi na cananeoipi, na hititaipi, na amorreoipi, na ferezeoipi, na heveoipi chaqai na jebuseoipi.

Números 14:7

Ca 'neraco' quesá'ogue so Israel llaalqaipi: —¡Yí'maq 'laua sa'ajnaxanaxa qomi' ỹaatqajam chalego loyac!

Números 14:8

Ca ñi qara'gaxala' nqouagueguelo qomi', ca' qarotauan quiyim senoxonaxau'a yijo 'laua, ca' ỹaanema qomi'. Ca' quiyijo 'laua ỹaatqajam sqoue na huaca lo'i' chaqai na rapic li'i, ma' ỹaatqajam hua'ñi yi'maxare.

Deuteronomio 26:9

Ca' nauegalo qomi' ná'maq senqata'ñi nagui. Ca' ỹaanema qomi' najo 'laua ná'maq hua'ñi quiyim sqoue na huaca lo'i' chaqai na rapic li'i.

Deuteronomio 6:3

Ca' vichiguiño' qamiri Israel llaalqaipi, napaxaguiñiỹa quiyim 'viichii dajo. Qaiyi qaicanqaida queda qayicyaxaguii, ca chi ỹovireto'o' quiyim qamiri 'xoic ma'le quena 'laua quiyim ñiitalec. Najo 'laua ná'maq sqoue na huaca lo'i' chaqai na rapic li'i. Ca' ỹaatqajam ipaquichigui dá'maq ỹachaxantac ñi qara'gaxala' qota'olec quesaua 'auaxaqa qata'allii.