Números 13:22 - La'qaatqa ñi qota'olec Qota'olec & Qota'olec Novita Na Qomyipi

²² Taaterou'a yi Néguev, ca chi ỹoviresa'a yi Hebrón. Ca' yí, nera'ño' saua Ahimán, Sesai chaqai so Talmai, saua'maxare llaalqa so Anac. Ca' sojo Hebrón qano'xonshiguimo' na' saqa'lecaua siete ñaxari quiyim 'ue yi Zoán quiyi Egipto.

Números 13:22 Iomraidhean Croise

Génesis 13:18

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 23:2

Ca' ileu quiyi Quiriat-arba, yí'maq nagui na'a' leenaxat Hebrón, huaugui yi 'laua Canaán. Ca' so Abraham noỹen na' ileu aso Sara, ca ỹadenaxachichigui da no'ueenataxac ná'maq 'ue ca lasauaxanec.

2 Samuel 2:1

Ca co'na' ime dajo, ca' so David inato' ñi qara'gaxala', 'naaco': —¿Tegue' chi ỹa'maxañi quiyim 'ue ca sena'ñi quena na'aateripi quiyi Judá? Ca' ñi qara'gaxala' 'naaco': —Ajá'a, ỹa'maqachiguiñi quiyim 'ue ca quirepegue'. Co'na'le, ca' so David 'naaco': —¿Nega'ỹo' cá'maq shicpegue' quiyi'maxare? Ca' ñi qara'gaxala' 'naaco': —Quirepegue' yi Hebrón.

2 Samuel 2:11

Ca' so David ỹovi' siete ñaxari chaqai seis shiriguiri lashi so llaalqaipi so Judá. Ca' yí'maq la'a' reloqota'a so'maxare, chaqaiyi yi Hebrón. (2.12—4.12 So Abner, lashi so nalliripi so Saúl, ỹa'xat quiyim nashi queso ni'ic queda rapiguim so Is-boset só'maq llaalec so Saúl. So ni'ic queda rapiguim nco'ỹa'e' só'maq ni'ic queda 'guiñi, ca' ileue' saua Abner chaqai so Is-boset. Ca' so David renoto quiyim nashi, ca' lapoonta' so ni'ic queda rapiguim chaqai da 'guiñi.)

Números 13:17

Ca' so Moisés ilate'o' quiyim ra'ajnaxanta ca 'laua leenaxat Canaán. Ca 'naapegalo': —'Itou'o' ma'le yi Néguev, ca quiitalec yi 'laua 'xoic ana quemaralec qa' ladocai.

Números 13:28

Qam ná'maq qomyipi neetalec yijo 'laua ỹaatqajam quesaxanaxaiquipi, chaqai naua na'aate' ỹaatqajam 'xoic lecalliñi, chaqai qaỹapootau'alo. Chaqai mesqaidaata dajo, ma' seuanaxa qai'neeta na llaalqaipi so ladocaic ỹale leenaxat Anac.

Números 13:33

Qai'neeta seuanaxa na ỹalliripi ladocaiquipi só'maq llaalqaipi so Anac. Ca quiyim sauaxaiqate'e' na'maxare, 'ec qomi' piñai, chaqai na'maxare quena ra'iita'alo qomi' qai'neeta 'ec qomi' piñai nqai'ne'.