Números 13:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so Moisés ilate'o' quiyim ra'ajnaxanta ca 'laua leenaxat Canaán. Ca 'naapegalo': —'Itou'o' ma'le yi Néguev, ca quiitalec yi 'laua 'xoic ana quemaralec qa' ladocai.

Números 13:17 Iomraidhean Croise

Génesis 12:9

Ime, ca' eec, nemooteta, nqo'neeta'a yi 'laua Néguev.

Génesis 13:1

Ca co'na' so Abram chaqai aso loua quere'e yi Egipto, i'xate' sá'ogue so na'aatete', querepegue' yi 'laua leenaxat Néguev. Ca' so leteesec Lot qai'neeta liỹareta'pe saua'maxare.

Génesis 13:17

¡Ne'laxachirishiguim!, huoxoñi' quirelec najo 'laua da ladoqueta chaqai da leca'gue, ma' ỹim saañiraxarom ma'le.

Génesis 13:3

Ca' quiyi Néguev nemooteta, nqo'neeta'a chi ỹovireta'a yi na'a' Betel. Ca' quiyi, ca' quepegue' yí'maq 'auo' neeta'ñi viichiguiñigui na lavinñi yi Betel chaqai yi Hai.

Génesis 14:10

Chaqai quesá'ogue so ca'megue leenaxat Sidim 'xoic ana tema lahi' na 'ec qo'paq louaq. Ca co'na' saua nashil quiyi Sodoma chaqai Gomorra ỹahosaque 'eete' queso lauataq, ca taari'ñigui ana tema, ca' saua liỹa' nashil 'eete' querepegue' yi qoỹoqoshi'megue 'laua.

Números 13:18

Ỹaatqajam 'ajñita cá'maq 'neeta ca 'laua chaqai ná'maq ỹalliripi neetalec ca'maxare, quesaxanaxaic loqo'm se quesaxan, chaqai no'm 'xoic loqo'm sqo vite'.

Números 13:29

Ca' yi 'laua Néguev neetalec yi llaalqaipi so Amalec; ca yí'maq 'laua 'xoic ana quemaralec qa' ladocai, ca' neeta'ñi na hitita laseripi, chaqai jebuseo laseripi, chaqai amorreo laseripi; chaqai quena lahi aso huaaxai chaqai quena lahi aso lachiugue Jordán, ca' neetalec na cananeo laseripi.

Números 14:40

Ca' queso liỹa na'xa'a na' ñaq nete'etam, ca' no'teetashiguim, ca taashi'ma yí'maq paguec qoỹoqoshi'ma cada quemaralec ladocai. Ca 'naaco' so'maxare: —¡Nagui mashic seuqate'e najo! Ca qolaxapegue' yí'maq ỹachaxansa'ñi qomi' ñi qara'gaxala', ma' ỹaatqajam llic 'ue da qarasauaxaset.

Josué 2:1

Quiyi Sitim, ca' so Josué ỹa'vii saua ilate' nemootaxanterec dos ỹale', ca 'naapegalo': —'Ajnaxañiỹa yi 'laua yí'maq neetalec yi na'a' lodegaxat Jericó. Ca saua'maxare que', ca ỹovirera'o' yi la'a' aca 'aalo nanatqa lo'o' quiyi Jericó, leenaxat Rahab. Ca huera'ño' lelaxasqote' queca pe.

Jueces 1:19

Ca 'eno'm ñi qara'gaxala' liỹaatac so llaalqaipi so Judá, ca so'maxare ishit rouootaxanegue yi hua'ñi ana 'xoic ana quemaralec qa' ladocai. Qam se ishit ỹo'daauec só'maq neetalec so quemarelec, ma' 'ue ana lahoglena fierro lauataxaqui.