Nehemías 8:8 - La'qaatqa ñi qota'olec Qota'olec & Qota'olec Novita Na Qomyipi

⁸ Saua'maxare ỹaatqajam nelamaxarene' na' retaqarelec aso lere hueesalec naua laqataxaco ñi qota'olec, chaqai qanaqalgoxoshiguim dá'maq reloqo'tegue dá'maq hueetalec, qaiyi sá'ogue só'maq qomyipi ỹa'yiinchigui dá'maq reloqo'tegue dá'maq qaretaqateguelec caso lere.

Nehemías 8:8 Iomraidhean Croise

2 Reyes 23:2

Ca sá'ogue so qomyipi quiyi Judá chaqai yi na'a' Jerusalén chaqai so netaxaỹaxanqajanqaipi chaqai so qota'olec letaxaỹaxaquiripi chaqai sá'ogue só'maq neetalec yi 'laua, chicqochi'ñi quena noctoqui', ca' ỹovireta'a na qo'xoic, sá'ogue quepegue' ñi lauo' ñi qara'gaxala'. Ca' quiyi, ca' so nashi retaqalec aso lere, 'qaatac nqai'en quesá'ogue só'maq hueetalec aso lere 'deenaxac lomalate qaiuanejlec quiñi lauo' ñi qara'gaxala'.

Nehemías 8:12

Ca co'na'le, ca sá'ogue so qomyipi queho, que'e chaqai ne'et, chaqai ỹa'ue na nouanaxaua queso loq. Ca chalego lecaic so nemaqachic queso na'xa'a, ma' so qomyipi ỹa'yiinchigui dá'maq qaỹapaxaguinegue.

Nehemías 8:7

Ca' so chigoxougui so Leví: Josué, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán chaqai so Pelaía, saua'maxare ichoxotesac na naqataxaquipi queso qomyipi, ca' so qomyipi se redaỹari' quená'maq hueete'e.

Nehemías 8:9

Ca ma' sá'ogue so qomyipi noỹentagui na' ỹaatqajam ỹa'yiinchigui dá'maq reloqo'tegue so naqataxaquipi, vire'ta na' so nashi Nehemías, chaqai só'maq napaxaguinataxanaq chaqai netaxaỹaxanqajnec Esdras, chaqai só'maq notaanaxanyipi chigoxougui so Leví, só'maq ichoxotetapeguem so qomyipi da leloxoỹaxac da naqataxaquipi, saua'maxare 'nerapega sá'ogue so qomyipi quiyim se rachicota chaqai se noỹentagui, ma' sojo na'xa'a lalamaxaret ñi qara'gaxala' ñí'maq qota'olec queso qomyipi.

Lucas 24:27

Ca' quiyi, ca ichoxotema da leloxoỹaxac da na'qaatec naneretañi, quenaua nerecse' la'qaatqa ñi qota'a ỹa'xatesa'guit so'maxare, ỹachigoxochichiguilo saua 'avichiriñi lerecse' so Moisés, ỹovira'oga nqai'en aso pa'aatec lerecse so la'qaataxanqajanqaipi ñi qota'a.

Lucas 24:32

Ca saua'maxare retaxaỹata', 'neraco': —¡Ỹaatqajam llic mashic ỹaviquetauguilo nqai'ne' naua qare'taxanata na' ñanaguinqata'gue na nayic, na' ichoxotetapeguema qomi' da leloxoỹaxac naua nerecse' la'qaatqa ñi qota'olec!

Lucas 24:45

Ca' quiyi, ca' ỹa'deenaxanaxanque saua'maxare naua nerecse' la'qaatqa ñi qota'a.

Hechos 28:23

Ca vichiguiño' qaỹa'uo' so na'xa'a naloqojnec. Ca co'na' ỹovire'oga sojo na'xa'a, ca 'xoic so qomyipi ỹovira'a yi neeta'ñi so Pablo. Ca' ñaq nete'eta na' retaqa so Pablo chi ỹovireta'guit so avit, ỹa'xatetac da lo'ueenataxanaxac ñi qota'a ma' ỹoiquentac ná'ogue najo. 'Ne'tegue dajo so Pablo, ma' ỹahotaque qoyiuelec so Jesús. Vichiguiño' ỹachigoxochichigui da la'qaatec so naqataxaquipi chicqo'ot nqohin na'le so Moisés, chaqai ana lerecse so letaxaỹaxaquiripi ñi qota'a.