Nehemías 8:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' retaqalec queso nete'eta, chi ỹovireta'a so na'xa'a lavinñi, reloqotaho nqai'en sá'ogue, quiyi naloote'oga ñi huaxaỹaq nasom. Sá'ogue so qomyipi ỹaatqajam na'xaỹaxanchiguiñi na' qaretaqalec aso lere hueetalec so naqataxaquipi.

Nehemías 8:3 Iomraidhean Croise

Nehemías 8:1

Ca' sá'ogue so qomyipi lapoỹata' quiyi napooqo' quiyi naloote'oga ñi huaxaỹaq nasom, ca' qohinapega so napaxaguinataxanaq Esdras quiyim nodouec aso lere hueetalec na naqataxaquipi chicqo'ot so Moisés, só'maq ñi qara'gaxala' ỹaanem na'le so llaalqaipi so Israel.

Nehemías 8:18

Ca' qaỹo'uet so nemaqachic quiyim qoyiuelec ñi qara'gaxala' quesaua siete na'xata'. Ca' so Esdras saua'que sauajo na'xata' retaqateguelec aso laqataxaco lomalate ñi qota'olec. Ca' queso liỹa na'xa'a, ca' qaỹo'uet so nemaqachic lodegaxat, ca qaipacqajanchigui dá'maq na'qaatec qoỹeretañi. (9.1—12.26 So qomyipi ỹa'xat na lasauaxaset. Ime, ca ỹaanec da la'qaatec quiyim ipaquichiguilo nqai'ne' naua lelaataxanaxaco ñi qota'olec. Qoỹaanshiguim so lquepaqataxanaxat yi Jerusalén.)

Nehemías 8:4

Ca' so napaxaguinataxanaq Esdras nachaatetañi co'ueetalec saua qo'pa' qaỹauaaque nco'ỹaxala'. Chaqai so Matatías qai'neeta nachaatetañi, hueeta'gue da loic, chaqai so Sema, Anías, Urías, Hilcías chaqai so Maasías. Ca' queda nemaq hueeta'gue so Pedaías, chaqai so Misael, Malquías, Hasum, Hasbadana, Zacarías chaqai so Mesulam.

Nehemías 8:5

Ca co'na'le, ca' so Esdras ỹauachigui aso lere, iuanchigui nqai'en sá'ogue so qomyipi, ma' sá'ogue so qomyipi ra'iito'ot so'maxare. Ca na' qaỹauachigui aso lere, ca sá'ogue so qomyipi nachajñi.

Marcos 12:37

Ca ¿negue' quet cá'maq 'neeta quiyim ca nashi nca'laxaqui quiyim llaalec quet so David, ma' chaqaiso só'maq David 'naac quiyim la'gaxala' so'maxare? Ca ma' 'xoic so qomyipi ỹaatqajam nqo'ta quiyim na'xaỹaxantapega so Jesús.

Lucas 19:48

Qam se qaỹanata cá'maq qohine'tegue, ma' sá'ogue só'maq qomyipi ỹaatqajam i'maqatam, na'xaỹaxantapega.

Lucas 8:18

Vichiguiño' ỹaatqajam na'xaỹaxañita, ma' cá'maq 'ue ca hueeto'ot, ca qanoquigaxatec ca qoỹaanem; qam cá'maq qaica ca hueeto'ot, ca' qanouora'gue vire'ta cá'maq 'neetapigui lauel quiyim hueeto'ot.

Hechos 13:15

Ca co'na' ime qaretaqalec aso lere hueetalec na naqataxaquipi chicqo'ot so Moisés, chaqai aso lerecse so 'auaxaic qota'a letaxaỹaxaquiripi, ime, ca saua la'gaxalate' añi napoxoqui 'uo' so ila' quiyim 'naapegalo saua Pablo: —Qamiri ỹaqaỹa', no'm 'ue ca ralamqataxanaxaguii, ca 'ñiỹapega na qomyipi nagui.

Hechos 13:27

Ma' só'maq neeta'ñi yi Jerusalén chaqai so lashillipi se ỹa'den negue' só'maq Jesús, chaqai se ỹa'deene' naua retaqateguelgoto lerecse' saua 'auaxaiqa letaxaỹaxaqui' ñi qota'a quena' ỹovire'oga yi na'xa'a co'mataxaqui. Ca' na' iconlec so Jesús quiyim ỹalauat, ca ỹaatqajam ipaquichigui nqai'en nauá'maq naneresañi na'qaatqa.

Hechos 15:21

Ma' quena na'aateripi ñaqa 'ue na ỹa'xatetac na naqataxaquipi chicqochigui na'le nqohin so Moisés quena' ỹovire'ga yi na'xa'a co'mataxaqui quena' qoyiuetaugui añi lapoxoqui, ca qaretaqateguelec ana lere, ma' chaqai 'neetari' quesó'maq 'auaxaiquipi nallaaqo'.

Hechos 16:14

Ca 'uo' aso 'aalo leenaxat Lidia chicqa'gue da na'a' Tiatira. So'maxare imeenac na lo'yaxanec lo'lo loqquiric, naueralec da letogaxa. Aso 'aalo ỹaatqajam queetalec ñi qota'a, ca na'xaỹaxantac. Ca' ñi qara'gaxala' ỹauachigui añi le'taxanata, qaiyi na'xaỹaxane'ta da la'qaatec so Pablo.

Hechos 17:11

Ca' sojo judioipi paguec 'xaỹaxanqachaqaiquipi, sqai 'nejem yi na'ñi yi Tesalónica. Ma' so qomyipi ỹaatqajam paguec nqo'ta na'xaỹaxana da na'qaatec. Vichiguiño' naua'que naua na'xata' qaỹa'ajanta'pe naua ñaua'pe nerecse' la'qaatqa ñi qota'a quiyim chaqaido' da qaỹa'xatetac.

Hechos 20:11

Ca' so Pablo liỹa pilshiguim, ca' ỹasectaqchigui so pan, ca' que'e. Ime, ca' queetalec da letaxaỹaxac, chi ỹovireta'a quiyim richiguiñi. Ca co'na' eec.

Hechos 20:7

Ca' queso 'auaxaic na'xa'a caso semana, llapoxota', ma' qaỹahotaque quiyim qaỹa'ic so pan. Ca' so Pablo rapaxaguinataxantac quesó'maq mashic icoñiguit da na'qaatec. Qam ma' ỹahotaque eec na' richiguiñi, ca queetalec da letaxaỹaxac chi ỹovireta'a pe lauel.

Hechos 28:23

Ca vichiguiño' qaỹa'uo' so na'xa'a naloqojnec. Ca co'na' ỹovire'oga sojo na'xa'a, ca 'xoic so qomyipi ỹovira'a yi neeta'ñi so Pablo. Ca' ñaq nete'eta na' retaqa so Pablo chi ỹovireta'guit so avit, ỹa'xatetac da lo'ueenataxanaxac ñi qota'a ma' ỹoiquentac ná'ogue najo. 'Ne'tegue dajo so Pablo, ma' ỹahotaque qoyiuelec so Jesús. Vichiguiño' ỹachigoxochichigui da la'qaatec so naqataxaquipi chicqo'ot nqohin na'le so Moisés, chaqai ana lerecse so letaxaỹaxaquiripi ñi qota'a.

1 Tesalonicenses 2:13

Ca' chaqaida dá'maq 'em quiyim saanqatacot da qana'aachic ñi qota'a, ma' na' na'xaỹaxañiỹa da sa'xatqatac la'qaatec ñi qota'a, ca' coñiguit, qam mesqai 'ñiita'gue ca chi la'qaatec ca qom, 'ñiita'gue quiyim qota'a la'qaatec. Qam lliqueta quiyim ỹaatqajam qota'a la'qaatec da'maxare, ma' re'oq da lo'ueenataxanaxac caqamiri na' viilec.

Apocalipsis 2:29

Cá'maq ỹa'den ca na'xaỹaxanaxac, ca' no'uen quiyim na'xaỹaxana da la'qaatec so Espíritu Santo quedá'maq 'naapega ná'maq mashic icoñiguit da na'qaatec.”

Apocalipsis 3:22

Cá'maq ỹa'den ca na'xaỹaxanaxac, ca' no'uen quiyim na'xaỹaxana so Espíritu Santo quedá'maq 'naapega ná'maq mashic icoñiguit da na'qaatec.”