Nehemías 5:2 - La'qaatqa ñi qota'olec Qota'olec & Qota'olec Novita Na Qomyipi

² Ma' 'ue na 'naac 'xoic na llaalqaipi chaqai na llaallipi chaqai ỹouentaque ca trigo, qaiyi se ỹalauat na lqopaaxa.

Nehemías 5:2 Iomraidhean Croise

Génesis 41:57

Ca' na qom chicqote'ogalo quenaua na'aate' quiyi Egipto, rishiujnaxantaque na trigo queso José, ma' quená'ogue na 'laua qaica ca na'ic.

Génesis 42:2

'Ue da ỹa'xaỹaxac quiyim 'ue na trigo queda Egipto. Mohi, 'iiquera, shiujnaxañiỹaque ca qonoq trigo, qaiyi se qaralauat na qarqopaaxa.

Génesis 43:8

Ca' so Judá 'naaco' na'le queso leta'a Israel: —No'm sahoqotaque qarca'leuec, ca' 'xañirec ñi qarqaỹooqui' quiyim ñauecqata'pegue'. Ca' ỹim seloqota'a ma'le, ca chaqa'ma' qolaq, qaiyi se qareleu, qami' chaqai qomi' chaqai naua qochaalqa.

Génesis 47:19

Ca qami' shiujnaxañitalo qomi' chaqai na qana'laua, taỹa'guit nqaishinaq ca trigo, ca qomi' la'aqa ñi Faraón, cá'ogue cá'maq so'ueetaq taỹot ma'le ñi'maxare. Ta'ta'a quiyim 'ỹaañitema qomi' aca qodanecse, qaiyi qarca'leuec, chaqai quiyim se na'laañi na 'laua. Ma' ¿chi'negue queta' 'xañitegue qomi' quiyim qareleu qariỹaata'ñi' na qana'laua?

Nehemías 5:3

Chaqai 'uo' na 'naac quiyim sauaxat da louenaxanaxa quena loq, ca' illaaho na na'laua, chaqai aca lanecse 'uva, chaqai naua la'aate'.

Hageo 1:6

Qamiri 'xoic ná'maq qadañicshiquii, qam sqa lo ná'maq naqachii ala na'maxare; qui'iitac, qam se rquemari; ni'chiitac, qam se neme na raquipii; ñiiñi naua pa'iichiguilo qatoohi, qam se npa'eeuec na roshicmaxahi; chaqai ná'maq ro'ueenataxanaxaguii laseue' lliỹa'ñigui ana qachoxoguii huacnaxa.