Nehemías 4:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam co'na' so Sanbalat, Tobías, chaqai so na'ñi yi Arabia chaqai na na'ñi yi Amón chaqai yi Asdod, co'na' 'ue da la'xaỹaxac quiyim qoyiquetalec qano'xontecshiguim so lapoxonaxat yi Jerusalén chaqai mashic qaỹapoguilo naua lauaco, ca' ỹaatqajam ro'o.

Nehemías 4:7 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

2 Reyes 24:2

Qam ñi qara'gaxala' ilata so Joacim so cuataxai qomyipi quena caldeoipi, sirioipi, moabitaipi chaqai na amonitaipi, ilata yi Judá, ma' ỹahotaque nopoxoỹaxajñi. Ca' ipacqajanchigui dá'maq 'naaco' na'le ñi qara'gaxala' na' retaqaugui so letaxaỹaxaquiripi.

Nehemías 2:10

Qam na' 'ue da la'xaỹaxac so Sanbalat só'maq na'ñi yi na'a' Horón chaqai so Tobías na'ñi yi 'laua Amón, ca so'maxare ro'o ma' ñovi' sahotaque sotauan so llaalqaipi so Israel.

Nehemías 2:19

Qam cana' 'ue da la'xaỹaxac so Sanbalat só'maq na'ñi yi Horón, chaqai so Tobías só'maq na'ñi yi Amón, chaqai so Gesem só'maq na'ñi yi Arabia, ca ỹaatqajam i'neeta'pe qomi', ca quedá'maq 'naac se nqo'talo qomi': —¿Negue' cá'maq viitaque 'viichii qamiri? ¿Loqo'm viitaque npa'guiñi'e' ñi qarashi?

Nehemías 4:1

Ca' so Sanbalat co'na' 'ue da la'xaỹaxac quiyim liỹa ño'xonqatecshiguim so nquepaqataxanaxat, ca' ro'o, paguec na lauel, ca' i'neetac so judioipi.

Nehemías 4:6

Ca' qomi' qolqatalec quiyim ño'xonqatecshiguim na lapooque' na na'a' lodegaxat, ma' na'maxare mashic noỹoqshi'megue. Ca' so ỹalliripi ỹaatqajam 'ue da lasapichi quiyim ro'ueenataxan.

Nehemías 4:8

Ca sá'ogue na'deenta' quiyim queu'a yi Jerusalén, qaiyi liỹa qanopoxoỹaxajñi.

Nehemías 6:16

Ca ná'maq pa'guenta'pe qomi' na' 'ue da la'xaỹaxac quedajo, ca naua'que naua 'lauari sqoỹoqapigui ỹaatqajam 'xoic da lqolonaxa na qomyipi, ca' 'xoic na layiloxo ma' retan quiyim dajo no'ueenataxanaxac qaỹomat, ma' ñi qota'olec 'ue da lotaanaxanaxac. (6.17—7.73 So Nehemías nca'au'a so na'gaxala'. Aso lomalate só'maq rapil quiyi ỹoqa'a 'laua.)

Jeremías 25:20

chaqai na ỹoreta'oguit qomyipi neeta'ñi yi'maxare; chaqai ná'ogue na nashillipi quiyi 'laua Uz; chaqai na lashillipi na filisteoipi quiyi Ascalón, Gaza, Ecrón chaqai na no'ueenauec quiyi Asdod;

Amós 1:13

Ca 'neetasa' da la'qaatec ñi qara'gaxala': Yi qomyipi naalec yi 'laua Amón ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' quedá'maq lishoxo quiyim nqo'naxatec yi na'laua, ca' ichaqa'gue ỹauata'gue na 'aallipi 'manaxaipi naalec yi 'laua Galaad.

Amós 1:8

Ñopoxoỹaxajñi ma'le cá'maq nashi quiyi na'a' Asdod chaqai cá'maq ỹoiquentac yi na'a' Ascalón. Ca ma'le, ca' ¡somatalec da iquesaxanaxa yi na'a' Ecrón, ca vire'ta ca co'uaataxanaxaỹom quena filisteoipi ileu ma'le! Dajo 'naac ñi qara'gaxala'.

Amós 3:9

Vii da la'xaỹaxac na nashillipi quena 'imqaipi leta'allipi quiyi na'a' Asdod chaqai quena 'imqaipi quiyi 'laua Egipto, 'ñiỹac: Naguipegue' ana qa' ladocaipi quena Samaria; ñaqai 'ajñii ná'maq se no'uen 'ue quiyi'maxare chaqai da nqa'viic 'ue quiyi'maxare.

Hechos 5:33

Ca co'na' 'xaỹa dajo so nashillipi, ca ỹaatqajam ro'o, ca' ỹahosaque qaỹalauate' saua'maxare.

Apocalipsis 12:17

Ca' queda na'le, ca' so isecỹac ỹaatqajam ro'ỹa aso 'aalo. Ca so'maxare quepegue' nco'ỹa'e' ná'maq llaalqaipi no'ueenañi aso 'aalo, quená'maq na'xaỹaxane'talo naua lelaataxanaxaco ñi qota'a, chaqai ỹaatqajam quejlgoto nauá'maq ỹaatqajam lliquete' na'qaatqa ỹa'xate' na'le so Jesucristo.

1 Samuel 11:2

Ca' so Nahas amonita le'ec 'naaco': —Ajá'a, ña'maxachiguita qamiri, qam no'm 'maxariñita quiyim ñaqat añi nqote loicse quiñi 'óna caqamiri, qaiyi so'uet quiyim ỹaatqajam qai'neetac na llaalqaipi so Israel.