Nehemías 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' qomi' qolqatalec quiyim ño'xonqatecshiguim na lapooque' na na'a' lodegaxat, ma' na'maxare mashic noỹoqshi'megue. Ca' so ỹalliripi ỹaatqajam 'ue da lasapichi quiyim ro'ueenataxan.

Nehemías 4:6 Iomraidhean Croise

Nehemías 4:5

Ca sqai 'xoriñi' queda leualoxonqaishic chaqai sqai palaxachi' ca lasauaxaset, ma' na'maxare ỹaatqajam i'neetac ná'maq no'xontecshiguim na nquepaqataxanaxat.

Nehemías 4:7

Qam co'na' so Sanbalat, Tobías, chaqai so na'ñi yi Arabia chaqai na na'ñi yi Amón chaqai yi Asdod, co'na' 'ue da la'xaỹaxac quiyim qoyiquetalec qano'xontecshiguim so lapoxonaxat yi Jerusalén chaqai mashic qaỹapoguilo naua lauaco, ca' ỹaatqajam ro'o.

Nehemías 6:15

Ca' so lapooque' yi na'a' Jerusalén quesaua veinticinco na'xata' queso shiraigo Elul, ca' quesá'ogue so no'ueenataxanaxac ỹovi' cincuenta y dos na'xata', ca' ime.

Salmos 110:3

Na ralamaxarichi'ipi nañaanot qami' quiyim qami' lashi queca na'xa'a na' huegaxañi'. Ca' da nenocchishiqui' nqo'neetauec quenaua na'xata', quedaua quemaralgoto qari looỹaco ñi qota'olec, 'ec aca 'ỹa' chicqochigui na lauel añi ra'aasa.

Salmos 122:3

Jerusalén, qami' na'a' qano'xonshiguim, qaiyi qami' lapooqo' na qomyipi.

Hageo 1:14

Ca' chaqaido' da 'ne'tegue ñi qara'gaxala' quiyim ỹa'ñaxatetalec so Zorobabel só'maq nashi quiyi Judá, chaqai so Josué só'maq lashi na netaxaỹaxanqajanqaipi, chaqai sá'ogue so liỹa qomyipi na' ỹovi' 'óna ñaaxa, cinco shiriguiri, chaqai veinticuatro na'xata' quiyim nashi so Darío quiyi Persia. Ca' taañi so qomyipi quiyim liỹa no'xonshiguim so 'imec nqouagaxainaxaqui quiñi qota'olec sqaica lqalanec.

Filipenses 2:13

Ma' ñi qota'a ñí'maq ỹaanema qamiri dá'maq no'uen viitaque chaqai ỹotauane' qamiri qaiyi shichii 'viichii, ma' chaqaida dá'maq ỹahotaque ñi'maxare.

Hebreos 13:21

ca ñi'maxare ỹaatqajam naloqojonchiriñi qamiri, chaqai no'ueenaxat da no'ueenataxaguii quená'ogue, qaiyi 'viichii cá'maq ỹahotaque, chaqai quiyim ỹo'uet ñi'maxare coqomi' cá'ogue cá'maq ỹahotaque, chicqochigui nqai'en so Jesucristo. ¡Ca' se neme qaimaqachintac so Cristo! Ajá'a, ca' chaqaida 'neeta dajo.