Nehemías 4:2 - La'qaatqa ñi qota'olec Qota'olec & Qota'olec Novita Na Qomyipi

² Ca 'naac queso liỹaripi chaqai so nalliripi na'ñi yi Samaria: —¿Negue' cá'maq 'neetapiguio' lauel ná'taq judioipi lalauatec lqopaaxa? ¿Loqo'm 'neetapigui lauel quiyim qaỹasene'tem quiyim liỹa ỹavigaxat ca lachitaxanataxanaxat? ¿Loqo'm 'neetapigui lauel quiyim ỹomat queca 'oonoqui' na'xa'a? ¿Loqo'm quiyim quená'maq lapootañi lahillipi ỹachigoxotaugui ca qa' dalaxaic quená'maq shi'gue ỹavic?

Nehemías 4:2 Iomraidhean Croise

Esdras 4:4

Co'na'le, ca' so qomyipi quesó'maq neetalec yi 'laua quelec quiyim neualñi nqai'en so llaalqaipi so Judá, chaqai se ỹa'maxaren quiyim ỹaatqajam ro'xonaxan.

Nehemías 12:27

Ca co'na' ỹovire'oga so na'xa'a quiyim qaỹahotaque qoỹaano so lapoxonaxat yi Jerusalén, ca' qaimitaque ná'ogue na chigoxougui so Leví quená'maq neeta'ogalo naua na'aate', ca' qaỹauega yi Jerusalén quiyim qoỹaano so lquepaqataxanaxat. Ca' ỹaatqajam 'xoic ma'le da toonaxac, nemaqajnataxanaxac, no'ueenaxanaxac, qaỹahote'e ana nasaquinata chaqai na niviiguellipi.

Nehemías 12:43

Ca' quesojo na'xa'a ỹaatqajam 'xoic so qaỹavigaxat nachitaxanataxanaxat, chaqai so qomyipi ỹaatqajam 'xoic da netoonaxac, ma' ñi qota'olec ñí'maq ỹaatqajam netoon nqai'en. Ca' na 'aallipi chaqai na ñaaqaipioqui' qai'neeta netoontagui, ca' da netoonaxac ná'maq neeta'ñi yi Jerusalén ỹaatqajam qoỹoqo'tegue da lelamaxa. (12.44—13.31 Sauá'maq lo'ueenatqa so Nehemías.)

Nehemías 4:10

Ca ná'maq na'ñi yi Judá 'naacsa': —Da lquesaxanaxa na niỹoxosoxonaripi ra'lliiñi sauaxat paguelec na qa' lahillipi, ca' qomi' qaica ca shinaxague quiyim ño'xonaxashiguim najo nquepaqataxanaxat.

Nehemías 6:15

Ca' so lapooque' yi na'a' Jerusalén quesaua veinticinco na'xata' queso shiraigo Elul, ca' quesá'ogue so no'ueenataxanaxac ỹovi' cincuenta y dos na'xata', ca' ime.

Jeremías 26:18

—Quesaua na'xata' na' nashi so Ezequías quiyi Judá, ca' so Miqueas, na'ñi yi Moreset, retaqa ỹa'xat da la'qaatec ñi qara'gaxala' quená'ogue na qomyipi neetalec na 'laua Judá, 'naac na'le: Ñi qara'gaxala' sqaica lqalanec 'naacsa': Na Sión ñigui ma'le ca no'ueenaxa nasauguec, na Jerusalén 'ec ca qalapoonñi 'imec ropoqogui chaqai naua quemaralgoto quiñi no'ueenaxanaxaqui no'xalec ma'le cana peue.

Zacarías 4:10

“Ca ná'maq mesqai ỹaatqajam i'taxajñi dá'maq 'ec cocho'qui' dá'maq taachi'ñi, ca' nagui, ca netoon ma' iuana ñi Zorobabel ỹomat yí'maq ỹo'ueetetac.” Ca na' ime dajo, ca' so nelaatec lotqai 'naac: Nauajo siete ncoỹeraxanaxaqui' chaqainaua nauá'maq nqote' ñi qara'gaxala', ca ñaua'maxare ỹa'ajansac ná'ogue na 'laua.

1 Corintios 1:27

Qaidaata quiyim ñi qota'olec nca'au'a ná'maq qohinac qaica ca ỹa'den, ma' ỹahotaque ỹayilqochit na 'deenaxanqachaqaiquipi. Chaqai nca'au'a na qohinac qaica ca lquesaxanaxa, ma' ỹahotaque nayiloxoñigui lauel nqai'en na quesaxanaxaiquipi.