Nehemías 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ chaqai aca liỹa nerecse tai'a ca Asaf, cá'maq reloqota'a yi nashi no'oochi, quiyim nañaañim ca qo'paq, qaiyi so'uet ca lasomyipi queso lquepaqataxanaxat añi no'ueenaxanaxaqui, chaqai so lquepaqataxanaxat yi na'a' lodegaxat, chaqai cá'maq 'imec senaugui. Ca' so nashi nañaañim sá'ogue só'maq sahotaque, ma' yotauan ñi qota'olec.

Nehemías 2:8 Iomraidhean Croise

Génesis 32:28

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

Esdras 5:5

Qam ñi qota'olec ỹaatqajam ro'ootaxanlec so la'gaxalateripi na judioipi, ca' se qaiquepaxat da lo'ueenataxanaxac, chi ỹovireta'a quiyim qaila' so na'qaatec quiyim qaỹa'ue la'xaỹaxac so Darío quiyim nela' so la'qaatec so'maxare.

Esdras 6:8

Ca' chaqaida da 'neeta da ỹotaanaxanaxac quena la'gaxala' na judioipi, qaiyi liỹa no'xonshiguim aca no'ueenaxanaxaqui quiñi qota'olec: Ca quedá'maq nishiuetenaxac quiyim qaishiueten, qarishiuetenaxana ná'maq iconta'piguit ná'maq reloqota'a yi 'laua pa'ỹa'gue da lauashiguim caso lachiugue Eufrates, ỹaatqajam ipaquichigui nqohin qaila' qarishiuetenaxana quiyim qaishiueten da no'ueenataxanaxac, qaiyi sqai qaca'guit da no'ueenataxanaxac.

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Eclesiastés 2:5

Ñasauec cá'maq chaqai ỹanaxanqa' chaqai loma' ana ỹanecse 'ue lenoỹaxai, chaqai ỹaleque'ejta' ana ỹanecse qo'paq na'ic ana la.

Eclesiastés 2:6

Ca so'ueete' naua ni'ỹaqa huaxaỹaq lahiri, sauaaque leletqate ana qo'paq ỹanecse;

Daniel 1:9

Qam ñi qota'olec ỹo'uet quiyim so lashi so nelaatqaipi na'yiiñiguit so Daniel.

Hechos 26:22

Qam ñaq yotauantac ñi qota'olec quiyim shiguelec da ña'ñaaqataxac ỹovireta'a nagui, sa'deenaxanaxanta'pegue ñi'maxare ná'ogue, qaica ca ỹochiỹa'oga nqaishin. Se ỹauana soỹootec ca sa'xat quená'maq la'qaatec so letaxaỹaxaquiripi ñi qota'a chaqai queso Moisés ỹa'xatesa'guita quiyim ipaquichiguilo nqohine' nauajo.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.

2 Corintios 8:16

Qam ña'aachic quiñi qota'a, ma' ñi'maxare viichigui nqai'en añi le'taxanata so Tito quiyim dá'ogue dá'maq shinta quiyim sotauane' qamiri.