Nehemías 2:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so nashi huaqate'e' aso loua, ca 'naac caỹim: —¿Ỹorete' caua na'xata', ca vichi' quiyim 'itegue da'maxare? chaqai ¿lagui, ca' rapilli'? Ca' ỹim sa'xatem cá'maq laloqo' quiyim yapil, ca so'maxare yasenetec quiyim shic.

Nehemías 2:6 Iomraidhean Croise

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Nehemías 2:4

Ca' so nashi 'naaco': —¿Negue' cá'maq vi'saque quiyim so'uet caqami'? Ca na'le, ca' saanot da ỹa'qaatec ñi qota'olec queda piguim.

Nehemías 2:5

Ca' shinac na'le queso nashi: —Qami' ỹashi, no'm 'maxariñite' da ỹa'qaatec, no'm chaqaiyi quiyim rqouaquitegue aỹim, ca' sashiila'e' quiyim yilachitegue da Judá yí'maq na'a' huera'ñi yaua ita'al, ma' sahotaque quiyim liỹa ño'xonshiguim.

Nehemías 5:14

Ca' ỹovirerauec saua doce ñaxari, chicqochi'ñi na' ỹovi' veinte ñaxari quiyim nashi so Artajerjes na' yayano quiyim ỹim lashi ná'maq neeta'ñi yi 'laua Judá, ca' chi ỹovireta'a quiyim ỹovi' treinta y dos ñaxari quiyim nashi so'maxare, ca' ỹim chaqai na ỹotauaripi se ỹauanapega quiyim so'laxanaxague añi nishiuete ca nashi.

Isaías 58:12

Na ralamaxarichi' liỹa no'xonshiguim na ropoqogui 'imqaipi chaqai ỹa'ñaxajñi na no'xonaxanaxala' ñaauapec. Ca' qaỹamata'gue na ralamaxarichi'ipi: nadalaxashiguim ná'maq mashic 'guiñi napoxonqateripi, liỹa no'xonshiguim na 'imqaipi 'guiñi. (58.13-14 Qaỹa'xat cá'maq 'neeta yí'maq na'xa'a co'mataxaqui.)

Isaías 61:4

Liỹa qano'xonshiguim na na'aateripi ná'maq shi'co' quen 'guiñi, qanopoxoỹaxajñi.

Isaías 65:24

Ma' saqa' roỹaxanot aỹim quiyim yashiila, qa' shi'gue sasaachiguit ma'le; chaqai saqa' ime ca la'qaatec, qa' mashic ña'xaỹaxana.