Biblia Todo Logo
Bìoball air-loidhne

- Sanasan -




Nehemías 2:4 - La'qaatqa ñi qota'olec Qota'olec & Qota'olec Novita Na Qomyipi

4 Ca' so nashi 'naaco': —¿Negue' cá'maq vi'saque quiyim so'uet caqami'? Ca na'le, ca' saanot da ỹa'qaatec ñi qota'olec queda piguim.

Faic an caibideil Dèan lethbhreac




Nehemías 2:4
15 Iomraidhean Croise  

Ca co'na' qara'qaataxana so David quiyim so Ahitofel na'deenta'pegue' so Absalón, ca' so David nqouagaxainot ñi qara'gaxala' qota'a quiyim se ipaguigui nqai'en da la'qaatec so Ahitofel.


Ca 'uo' so pe quiyi Gabaón, ca' ñi qara'gaxala' nachaxana so'maxare, viichigui nqai'en so lelaxac. Ca 'naaco': —Ỹaxañiraque nagui cá'maq viñisaque, ca' saanem qami'.


Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.


Ca na' sa'qaachigui da ỹa'xaỹaxac, ca' ñqa'xanñi, ca ñoỹen chaqai 'vii saua na'xata' sachicota ñqopaaqachit chaqai ñqouagaxaintacot ñi qota'olec queda piguim.


Ca' shinac: —Qami' ỹa'gaxala', qami' qota'olec queda piguim, qami' lodegaxat chaqai qami' chaqaic, sqai 'xañirec da na'maqataxaqui' chaqai se napaquiralec da ra'qaachiqui' quená'maq nqo'chiraxaua' chaqai ipaquichiguilo nqai'ne' naua relaataxanaxagohi'.


Qam ỹim shinac na'le quesaua'maxare: —Ñi qota'olec queda piguim ỹo'uet ma'le quiyim somataq, ma' qomi' lelaatqa. Ca so'ueenataxanaq, ca' qamiri sqa 'iỹapegueu'a na Jerusalén. (3.1-32 Qaneuagaxachigui da no'ueenataxanaxac na' qano'xonshiguim so nquepaqataxanaxat.)


Ca' shinac na'le queso nashi: —Qami' ỹashi, no'm 'maxariñite' da ỹa'qaatec, no'm chaqaiyi quiyim rqouaquitegue aỹim, ca' sashiila'e' quiyim yilachitegue da Judá yí'maq na'a' huera'ñi yaua ita'al, ma' sahotaque quiyim liỹa ño'xonshiguim.


Ca' so nashi inat aso'maxare: —¿Negue' ca 'ñi'sa'pegue, qami' nashi Ester? ¿Negue' ca vi'saque? Ca ¡'eno'm shiilaxañitegue na lavinñi na seloqota'a 'lauaripi, qaiyiita saañiraxarom! Ca' aso Ester 'naaco':


Ca co'na' queso nqui'ỹaxac, ca' so nashi 'naaco' caso nashi Ester: —¡Cá'maq vi'saque, ca' yashiila'e', ca' ỹim saañiraxarom, 'eno'm na lavinñi naua 'lauari seloqota'alo!


Ca' queso liỹa na'xa'a qaiyiita so nashi 'naac caso Ester na' ñaqai que'eetac: —¡Viraque cá'maq shiilaxañiraque, ca' ỹim saañiraxarom, 'eno'm shiilaxañitque na lavinñi naua 'lauari seloqota'alo!


Ca' so Jesús inato' na'le so'maxare, 'naaco': —¿Negue' cá'maq vi'saque quiyim sa'ue caqami'? Ca' so qai'laq 'naaco': —Qami' napaxaguinataxanaq, ỹim sahotaque ñiuanñi.


Ca' so nouaataxanaq lashi ỹacona da lqai'laxat so ne'nec, ỹaueguec. Ca inat: —¿Negue' ca shim 'xachirim?


Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.


Lean sinn:

Sanasan


Sanasan