Nehemías 2:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' shinac na'le queso nashi: —¡Ỹaatqajam se neme quiyim qami' nashi! ¿Negue' quet cá'maq 'neeta quet quiyim se sachicota? Ma' yi na'a' lelauaqate' yaua ita'al ỹaatqajam qanopoxoỹaxajñi chaqai naua lasomi' ỹoviquete'.

Nehemías 2:3 Iomraidhean Croise

1 Reyes 1:31

Ca' aso Betsabé ỹa'dooto naua le'cootal so nashi ỹaatqajam ỹoviraqta'guit na latap na 'laua. Ca' ỹaualaq, 'naaco': —¡Ỹaatqajam se neme quiyim qami' ỹa'gaxala', qami' ỹashi David!

2 Reyes 25:8

Ca na' ỹovirerec saua dieciocho ñaxari, cuatro shiriguiri, chaqai seis na'xata' quiyim nashi quiyi Babilonia so Nabucodonosor, ca' so lotaua Nabuzaradán, lashi so nalliripi, ỹovira'a yi Jerusalén.

Nehemías 1:3

Ca' saua'maxare ra'qaataxansapeguem aỹim, 'nerac: —Ná'maq 'eet na'le quiyim se qaỹauec, ca' no'ueenalec yi 'laua, na'maxare ỹaatqajam 'xoic da le'xoric chaqai da ne'naxac. Ca' yi Jerusalén chaqai so lquepaqataxanaxat qaỹamaxañi, chaqai saua lasomi' soochiguilo sauaxat so norec.

Nehemías 2:13

Ca' queso pe shiquetougui ñi lasom queso ca'megue, ca sa'oga aso huaxaỹaq lahi' leenaxat isecỹac lodegaxat 'ec naanoc, chaqai so lasom lete loma'. Ca' sa'ajantac so lquepaxaset yi Jerusalén ỹaatqajam 'guiñi chaqai naua lasomi' ỹaviquete'.

Ester 8:6

Ma' ¿negue' quet cá'maq shinta'gue quiyim chi ña'ñaxateta'piguit dá'maq se no'uen qaỹahotaque qohine'tegue na iuo' laseripi, chaqai quiyim qaỹahotaque qanalauajñi ná'maq ỹalamaxat ỹaqaỹaripi?

Salmos 137:6

Chaqai ñi ỹo'legaxanaxat ronaỹo'ot na ñoquiaq, no'm se so'leenta'a qami', no'm se spa'xanashiguim caqami', Jerusalén, quedá'ogue dá'maq chi ñitoonaxac.

Daniel 3:9

Ca 'nerac: —¡Qami' qarashi, sqaica lqodoc da nachaalataxaqui', chaqai no'leentaxat da qadeenaxachi'!

Daniel 5:10

Qam aso late'e so nashi ỹoviro, ma' 'qaataque da laualaxac so llaalec nashi chaqai só'maq lotauaripi lalecseripi, ca inoxonougui ñi 'imec nqui'ỹaxaqui. Ca 'naaco': —¡Qaica lqodoc da nachaalataxaqui' qami' qarashi! Qaica huapigui qavilli', chaqai se nalacqatec qami'.

Daniel 6:21

Ca' so Daniel 'naaco' queso nashi: —¡Qami' ỹashi, qaica ca lqodoc da nachaalataxaqui'!

Daniel 6:6

Ca' chaqaida 'neeto' so lotauaripi so nashi quiyim eec retaxaỹa'pegue' so nashi Darío. Ca co'na' reloqosa'guit, ca 'neraco': —¡Qaica lqodoc da nachaalataxaqui', qami' qarashi!