Nehemías 2:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' ñi'laxashiguim queso pe. Ca' 'vii saua iỹareta'pe ỹale', qam qaica ca sa'deenaxanaxanegue dá'maq illiichigui iuel ñi qota'olec quiyim so'uet quiyi Jerusalén. Qaica ca liỹa iñaxala', qaisoota só'maq sentalec.

Nehemías 2:12 Iomraidhean Croise

Esdras 7:27

Co'na'le, ca' so Esdras nqouagaxain, 'naaco': —Qaimaqachin qami' qara'gaxala', qami' qota'olec queso 'auaxaic qareta'allipi, ma' qami' 'viichi' quiyim ñi nashi imaqachin ñi qaro'ueenaxanaxaqui na'ñi yi Jerusalén.

Nehemías 2:11

Ca na' sovita yi Jerusalén, ca' quesaua tres na'xata' quiyim senta'ñi yi'maxare.

Nehemías 2:13

Ca' queso pe shiquetougui ñi lasom queso ca'megue, ca sa'oga aso huaxaỹaq lahi' leenaxat isecỹac lodegaxat 'ec naanoc, chaqai so lasom lete loma'. Ca' sa'ajantac so lquepaxaset yi Jerusalén ỹaatqajam 'guiñi chaqai naua lasomi' ỹaviquete'.

Salmos 122:6

Raualaxahi cañi re'taxanatahi, ca 'ñiỹac: Paguec la'maxa quiyim 'ue ca no'daxa caqami', Jerusalén; qaiyi qaicanqaida i'maqajlem ná'maq nqo'ta qami'.

Salmos 51:18

Ca 'viichi' ca no'uen quena Sión quedá'maq vi'saque; quiyim liỹa no'xoñirishiguim ca lquepaxaset na Jerusalén.

Eclesiastés 3:7

'Ue yi laloqo' quiyim 'ue ca qaỹasectaqta'gue, chaqai 'ue yi laloqo' quiyim 'ue ca qaneuara'gue. 'Ue yi laloqo' quiyim retaqa na qom, chaqai 'ue yi laloqo' quiyim i'maxañi.

Jeremías 31:33

Dajo dá'maq ña'deenaxac ma'le quena llaalqaipi so Israel, ma' ỹovita cajo na'xa'a: Da ilaataxanaxaquipi sellaagui añi le'taxanata chaqai shiriñi quiyi la'deenataxanaxac loma'. Ca' ỹim qota'olec ma'le quena'maxare, chaqai na'maxare, ca' ỹalamaxareteripi. Ỹim na'gaxala', se'taxajñi da ỹa'qaatec.

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 2:14

Ca' so José, chaqaiso só'maq pe, ca' ne'laxashiguim. Ca' iconsop so noctoqui' chaqai aso late'e, ca liỹareterec, taategue da Egipto.

2 Corintios 8:16

Qam ña'aachic quiñi qota'a, ma' ñi'maxare viichigui nqai'en añi le'taxanata so Tito quiyim dá'ogue dá'maq shinta quiyim sotauane' qamiri.

Josué 10:9

Ca' so Josué eec, chicqochi'ñi yi Gilgal, queetagui so pe. Ca' i'laxatejlec so amorreoipi.

Apocalipsis 17:17

Ca' ñi qota'a viichigui nqai'en na lauel quiyim qohine'tegue cá'maq ỹahotaque ñi'maxare, na' na'deenta' quiyim ỹaane' da lquesaxanqa' quiyim nashi so isecỹac lodegaxat, toco' ma' imigui dá'maq la'qaatec ñi qota'a.

Jueces 6:27

Co'na'le, ca' so Gedeón iconeu'alo saua diez lelaatqa, ca' ỹo'uet sá'ogue só'maq qailarelec quiñi qara'gaxala'. Qam qaidaata quiyim nepesenta, ma' no'cha'a so lauo' so leta'a chaqai so qomyipi na'ñi yi na'a'.