Nehemías 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' 'ue so na'xa'a queso shiraigo leenaxat Nisán, na' ỹovire'oga so ñaaxa veinte quiyim neetaho nashi. Ca na' socoretapigui queso lataxa aso ne'taxaqui so nashi, ca retan quiyim sachicotam.

Nehemías 2:1 Iomraidhean Croise

Génesis 40:11

Ca' ỹim, naxan llo'qoota'a aso ne'taxaqui so Faraón nashi quiyi Egipto, ca naxan secono' quen aso 'úva, ca ñilami'ñigui na li'i aso 'taxaqui. Ime, ca lotqai chaqaỹim sañigui ana napoquena so nashi.

Génesis 40:21

Ca só'maq 'taxaqui lo'o, ca lotqai ỹopilaxachichi'ñi ca lo'ueenatec, ca lotqai liỹa ỹaanto'ot aso ne'taxaqui so Faraón, 'nejem cá'maq 'auaxaic.

Esdras 7:1

Ca co'na' mashic shi'gom dajo, co'na' mashic nashi so Artajerjes quiyi Persia, ca 'uo' so ỹale leenaxat Esdras. So'maxare chigoxougui so Seraías só'maq llaalec so Azarías, llaalec so Hilcías,

Esdras 7:7

taigue da Jerusalén, 'ue so liỹaatec llaalqaipi so Israel, ỹalliqui'chiguit so netaxaỹaxanqajanqaipi, chaqai so lotauaripi, no'ueenaxanyipi, lasom lo'ollipi, chaqai notaanaxanyipi quiñi no'ueenaxanaxaqui, na' ỹovi' siete ñaxari quiyim nashi so Artajerjes.

Nehemías 1:1

Ca' najo ná'maq na'qaataxac so Nehemías só'maq llaalec so Hacalías. Na' ỹovi' veinte ñaxari quiyim nashi so Artajerjes so shiraigo leenaxat Quisleu, ca' ỹim Nehemías senta'ñi yi qaỹapootau'a na'a', leenaxat Susa.

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Ester 3:7

Ca quesó'maq 'auaxaic shiraigo leenaxat Nisán queso ñaaxa na' ỹovite' doce ñaxari quiyim nashi so Asuero, ca' qaỹa'ue so llitaxac na' reloqotaho so Amán, qaiyi qaỹa'ue ca naloqojnec queca na'xa'a chaqai queca shiraigo quiyim ipaguigui nqohin so 'maqataxac. Ca so'maxare taachigui so na'xa'a trece queso shiraigo Adar só'maq pa'aatec shiraigo queso ñaaxa.