Nehemías 1:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam quiyim sopilqot qami', ca sepacqajanqachiguilo naua relaataxanaxagohi' quiyim so'ueetaxe', ca 'eno'm ñiuagaxatqatac quená'ogue na 'laua, qaiyiita lapooñireta' qomi', ca' liỹa qaraviquita yí'maq co'teeta noma' yí'maq rca'acshiqui' quiyim vi'saque, hueeta'ñi da qadeenaxachi'.

Nehemías 1:9 Iomraidhean Croise

Esdras 6:12

¡Chaqai ñí'maq qota'olec ñí'maq lca'acsec na'le na Jerusalén quiyim hueeta'ñi da leenaxat, ñi'maxare ishit quiyim nopoxoỹaxajñi canchaqaica nashi, loqo'm ca qomyipi, loqo'm cá'maq se ỹa'maxata'gue ná'maq lo'ueenaxanaxaqui ñi qara'gaxala' na'ñi yi Jerusalén! Ỹim Darío saanec da ỹa'qaatec, ca' dá'ogue qaipacqajanchigui.

Salmos 107:3

ná'maq lapoonta' na'le quena liỹa na'aateripi, ỹachigoxota'gue da rapiguim chaqai da 'guiñi, da lqodoigue chaqai da lauashiguim.

Isaías 56:8

Ỹim yapilaxat, ca' lapoỹata' quená'maq na'aquipi hueeta'oga yi ỹoqa'a 'laua. Dajo i'taxajñi ỹa'xat ñi qara'gaxala', ñí'maq ỹo'uet quiyim liỹa lapoỹata' na llaalqaipi so Israel neuagaxatetajlec. (56.9-12 Qaỹoviraxata'a so nashillipi hualoxonyipi.) (57.1-21 Se qaỹa'maxaren na nqolaquipi. 'Ue da nouaxanaxaset chaqai qanataren yi Israel.)

Jeremías 31:10

Na ỹoreta'oguit qomyipi ñaq na'xaỹaxañiỹa da la'qaatec ñi qara'gaxala' chaqai 'qaataxañii quena qoỹoqo'teguelo na'aate', 'ñiỹac: Ñi qara'gaxala' iuagaxatac na Israel llaalqaipi, qam liỹa lapoonta', ca' cochiỹa 'ec na qagreta lo'o quena' reloqota'a ana lalo.

Ezequiel 36:24

Ỹim ñaqata'alo qamiri ma'le quená'ogue na qomyipi quenaua 'lauari; llapoonta' qamiri, ca yapilaxate' qamiri quena na'lauahi.

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Deuteronomio 12:5

Quená'maq chi qauori laseripi, ca ñi qara'gaxala' ỹachigoxotaugui ma'le ca lca'acsec loma' quiyim qaimaqachin da leenaxat ñi'maxare. Ca' cajo noma' chaqaica cá'maq quiipegue' quiyim nqouagaxaiñiỹot ñi'maxare.