Nehemías 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Chaqai ỹaatqajam se ỹa'maxañi da shinqatari' caqami', ma' se ipaquichiguilo nqaishinaq daua relaataxanaxagohi', raqataxagohi', rapaxaguinataxanaxagohi', 'ỹaañitema qomi', chigoxochichirigui so relaachiqui' Moisés.

Nehemías 1:7 Iomraidhean Croise

1 Reyes 2:3

Ỹaatqajam ipaquichiguilo nqai'ñi' naua la'qaatqa ñi qara'gaxala' qota'olec ñí'maq rashiilqui'. Ỹaatqajam 'viichi' cá'maq ỹahotaque ñi'maxare, chaqai 'viichi' naua laqataxaco, lelaataxanaxaco ná'maq naneresañi nauá'maq ỹichiñi na'le so Moisés, qaiyi noquiiquetashiguim qami' quená'ogue ná'maq 'viichi' quecanchaqaica 'itegue.

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Isaías 1:4

¡'Xoraiquipiolec na qom sauaqhuaic, no'qaachigui quena se ỹa'maxañi, chigoxougui só'maq ỹo'ueetetac da se no'uen, ñaalqaipi hualoxonyipi! Mashic noỹootec quiñi qara'gaxala', mashic nasectec quiñi co'teeta qota'olec queso Israel, ỹaatqajam ca'e.

Malaquías 4:4

Totaxan 'laxachiỹo' na ilaataxanaxaquipi ná'maq saanem na'le so ilaatec Moisés cada qa' ladocai Horeb. ¡Saua'maxare ỹaqataxaco chaqai ilaataxanaxaco sahotaque quiyim na'xaỹaxane'talo ná'ogue na llaalqaipi so Israel!

Deuteronomio 6:1

Ca' so Moisés 'naaco': —Najo ná'maq nelaataxanaxaquipi chaqai na naqataxaquipi chaqai la'qaatqaipi ñi ra'gaxalari qota'olec ỹamaxalgoto aỹim quiyim sapaxaguineguelo qamiri, qaiyi napaxaguiñiỹa quiyim 'viichii ma' viri quecá'maq 'laua qaỹauaaque ñiỹalec.

Apocalipsis 19:2

Ma' ñi'maxare quena' imit na nasauaxaset ỹaatqajam quiichiguilo nqai'ne' naua leloxoỹaxaco dá'maq lliqueta. Ma' ỹo'ueeto' na'le da nouaxanaxaset asó'maq ỹaatqajam nedequenaxai ma' na'axat ná'ogue na qomyipi quena 'laua queda nedequenaxac; ñi'maxare ỹa'ue lovi' caso'maxare da lelauaxa na lelaatqaipi ñi qota'a.