Nehemías 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' nagui ñi'xoresene'tot qami' quiyim na'xaỹaxañita da ñqouagaxainaxac quiyi na'xa'a chaqai yi pe, sashiilaxanteguelec na relaataxai'ipi llaalqaipi so Israel. Chaqai ña'deenalta' quiyim qomi' llaalqaipi so Israel 'ue da qarasauaxaset caqami', ¡vire'talo nauá'maq chi ita'al 'ue da qarasauaxaset!

Nehemías 1:6 Iomraidhean Croise

1 Reyes 8:30

Na'xaỹaxañita da ỹashiilaxanaxac chaqai ná'maq ralamaxarichi' llaalqaipi so Israel quena' ñqouagaxainaq quenajo. Ca 'qa'ita quena piguim ná'maq ñi'sa'ñi, ca' sqo quirapeguema qomi' quenajo. (8.31-51 Da nqouagaxainaxac so Salomón.)

Esdras 10:1

Ca' so Esdras co'na' ñaq nqouagaxaintac, ỹaatqajam noỹenta'ueguelo naua la'qaatqa, ỹa'deesañi naua le'cootal cañi lo'ueenaxanaxaqui ñi qota'olec, ca' qoyicpegue' queso llaalqaipi so Israel, ỹalliripi, 'aallipi chaqai ñaaqaipioqui', ỹaatqajam chalego noỹenaxac lapoỹau'a so'maxare.

Esdras 10:11

Ca' vichiguiño' nagui ỹaatqajam iuanchiguilo qamiri ñi qara'gaxala' ñí'maq qota'olec queso 'auaxaic qareta'allipi, quiyim ỹaatqajam nichoxochita quiyim 'ue da qarasauaxaset chaqai pacqajñichiguilo nauá'maq ỹahotapigui ñi qara'gaxala'. Chaqai lachii' naua lanatqa na qomyipi nauá'maq se nqo'talo ñi qota'olec chaqai najo 'aallipi ỹoqa'a ca ni'ic chicqaugui.

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Salmos 130:2

¡qami' ỹa'gaxala', 'qa'ita da ivillaxac! ¡na'xaỹaxañita da ỹaualaxac, yaualqatacot qami'!

Salmos 32:5

Qam sá'ogue sichoxotem qami', qaica ca se sa'xat da ỹasauaxaset chaqai da ỹo'maxac; taachigui na iuel sa'xatem qami' na ỹasauaxaset, ca' qami' ỹa'gaxala' palaxachi' sá'ogue.

Salmos 88:1

Qami' ỹa'gaxala' qota'olec chaqai ica'laxaqui, quiyi na'xa'a chaqai yi pe sashiila'isac quiyim yotauañi',

Isaías 6:5

Ca' da ỹa'deenataxanaxac 'neetasa': ¡'Xoraicolec aỹim; nagui, ca' yileu! Ma' mashic seuana quenaua ñqote' ñi nashi, ñi qara'gaxala' sqaica lqalanec; ma' ỹim qom, ca' se no'viiñi naua ỹa'qaatqa, chaqai salequetaugui na qomyipi se no'viiñi naua la'qaatqa.

Lucas 18:7

Ca' ñi qota'olec ¿se iuejelco' qai'neeta ca lca'acseripi quiyim ne'xoresentacot ñi'maxare naua'que naua na'xata' chaqai naua piri? Ca' ¿peeta'a 'uo' ca nauaantaque nqai'en? 'E'.

Lucas 2:37

Qam nagui aso'maxare mashic ỹovite' ochenta y cuatro ñaxari quiyim pa'ỹe. Chaqai ỹaatqajam sqai ca'e aso no'ueenaxanaxaqui, ỹo'ueentac ñi qara'gaxala' quenaua na'xatari chaqai naua piri, ỹo'ueetetac da nqouagaxainaxac chaqai nqopaaqachitetac.

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.

1 Timoteo 5:5

Ca aná'maq ỹaatqajam 'chichiguiñi pa'ỹe, quiyim ma' nodaachiguiñi, ca illo'ot ñi qota'a da naquitaxac, chaqai sqai ỹaxanñi da nqouagaxainaxac quenaua'que naua na'xata' chaqai naua piri.

2 Timoteo 1:3

Quiyi pe chaqai yi na'xa'a quena' ñqouagaxaintac, ca' so'leenta'oga qami'. Lotqai saantacot da ña'aachic ñi qota'a ñí'maq so'ueeteta'pe naua la'qaatqa, chaqai quiyim sa'deenta quiyim qaica ca ỹasauaxaset quiñi'maxare. Ca' chaqaida dá'maq 'neeta só'maq 'auaxaic ita'allipi.

1 Juan 1:9

Qam no'm sa'xataxe' naua qarasauaxasete', ca' spi'ỹaaqa'a ñi qota'a quiyim ishit ỹo'uet ca ỹa'maqachiguiñi, ca ñi'maxare ishit ỹapalaxat na qarasauaxaseteripi chaqai qarco'taxat quená'ogue na se no'uen.

1 Samuel 15:11

—Ỹaatqajam chalego da ñitogotaxa quiyim nashi nqaishin ñi Saúl, ma' ñi'maxare ca'e aỹim chaqai se na'xaỹaxana da ilaataxanaxac. Ca' so Samuel ỹaatqajam qaica ca la'maqa', ca' sá'ogue so pe nqouagaxaintacot ñi qara'gaxala'.