Nehemías 1:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' shinac: —Qami' ỹa'gaxala', qami' qota'olec queda piguim, qami' lodegaxat chaqai qami' chaqaic, sqai 'xañirec da na'maqataxaqui' chaqai se napaquiralec da ra'qaachiqui' quená'maq nqo'chiraxaua' chaqai ipaquichiguilo nqai'ne' naua relaataxanaxagohi'.

Nehemías 1:5 Iomraidhean Croise

1 Reyes 8:23

Ca' netenegue da la'qaatec, 'naaco': —Ỹa'gaxala', qami' qota'olec quena Israel: vire'ta quena piguim chaqai quena 'laua qaica ca liỹa qota'olec 'nejem qami', quiyim ipacqajanchigui na na'maqataxac chaqai ỹachaxan da lqouagaxa quená'maq ỹomato'ot qami' añi le'taxanata quiyim ro'ueenataxanot qami'.

Esdras 1:2

—Ỹim Ciro, ỹim nashi quena Persia, da ỹa'qaatec 'neetasa': Ñi qara'gaxala' qota'olec ñí'maq neeto'ot na piguim, ñi'maxare yayano na'le quiyim aỹim nashi quená'ogue na nashillipi quena 'laua. Ca ñi'maxare nagui yilarelec quiyim ño'xonshiguim aca lo'ueenaxanaxaqui quiyi Jerusalén, huaugui yi 'laua Judá.

Nehemías 2:4

Ca' so nashi 'naaco': —¿Negue' cá'maq vi'saque quiyim so'uet caqami'? Ca na'le, ca' saanot da ỹa'qaatec ñi qota'olec queda piguim.

Nehemías 4:14

Ca na' ỹim yitan quiyim so qomyipi no'chi, ca' ỹim ñachajñi, ca' shinac quená'maq nemaqajnatqaipi, chaqai na nashillipi, chaqai ná'ogue na qomyipi: Totaxan ro'chii, o'lliinchiỹa'a ñi qara'gaxala' ỹaatqajam lodegaxat chaqai chaqaic. Ca' qamiri ỹaatqajam loquilgoto naua qauori lase' chaqai ca qachaalliguii ỹale chaqai aca 'aalo, ca rouahi chaqai naua ra'aachiri.

Nehemías 4:8

Ca sá'ogue na'deenta' quiyim queu'a yi Jerusalén, qaiyi liỹa qanopoxoỹaxajñi.

Éxodo 20:6

Qam ỹaatqajam se'xoren chaqai ỹaatqajam se neme da i'xorenataxanaxa quena llaalqaipi cá'maq yi'xoren chaqai ỹo'ueete' naua ilaataxanaxaco.

Deuteronomio 7:9

Ca' vichiguiño' ñaqai 'yiiñi'a ñi qara'gaxala', ñí'maq qota'olec caqamiri, quiyim chaqaiñi ñí'maq ỹaatqajam ỹoiquentac ná'ogue chaqai ỹaatqajam ipacqajanchigui cá'maq na'deenaxac queso 'au qareta'allipi, ca chi ỹovireta'alo qomi' quená'maq nqo'ta ñi'maxare chaqai ipacqajanchigui da lelaataxanaxac.