Nehemías 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Nehemías 1:11 Iomraidhean Croise

Génesis 24:42

Ca' chaqaida 'neeta na' soviraxasom cañi ni'ỹa na' ñqouagaxaintac, ca' shinac quiñi qara'gaxala', ñí'maq qota'olec quiñi ña'co' Abraham: No'm llic quiyim no'ueenaxat ca ỹicyaxac quena ñanaigue,

Génesis 32:11

¡Ñaq qouaquiric, yca'laxachirec queca ỹaqaỹa Esaú, qaiyi se youaxan! Paguec da iqolonaxa quiyim anac, ca nalauachiñi naua 'aalo chaqai na llaalqaipioqui' chaqai quiyim yoqocac.

Génesis 32:28

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

Génesis 40:1

Ca co'na' mashic shi'gom, ca só'maq 'taxaqui lo'o só'maq qaỹamaxalec quiyim ỹaanapeguem na ne'taxat lataxa so nashi, chaqai so pan lo'o, 'uo' na'le ca lasauaxasete' queso na'coote', nashi quiyi Egipto, leenaxat Faraón.

Génesis 40:2

Ca' so Faraón ro'ỹalo' saua dos lelaatqa, so lashi na 'taxaqui lo'ollipi chaqai so lashi na pan lo'ollipi.

Génesis 40:21

Ca só'maq 'taxaqui lo'o, ca lotqai ỹopilaxachichi'ñi ca lo'ueenatec, ca lotqai liỹa ỹaanto'ot aso ne'taxaqui so Faraón, 'nejem cá'maq 'auaxaic.

Génesis 40:23

Qam so 'taxaqui lo'o coua'e dá'maq 'naaco' na'le so José.

Génesis 41:9

Co'na'le, ca 'naaco' so lashi na 'taxaqui lo'ollipi queso Faraón: —Nagui, ca ño'uene'tegue quiyim se no'uen dá'maq shintari'o'.

Génesis 43:14

Ca' ñi qota'olec ñí'maq sqaica lqalanec ỹo'uet quiyim qare'xoriñii ma'le, qaiyi qaỹosouec ca liỹa rqaỹahi chaqai ñi Benjamín. Chaqai caỹim, no'm taachigui quiyim qaica ca ỹaalec, ca' ¡chaqaida qaica ca ỹaalec!

Esdras 1:1

Ca' queso 'auaxaic ñaaxa quiyim nashi so Ciro quiyi Persia, ca' ipaquichigui nqohin da la'qaatec ñi qara'gaxala' dá'maq shi'gue ỹa'xatetac na'le so la'qaataxanqajnec ñi qota'olec, leenaxat Jeremías. Ca' ñi qara'gaxala' illigui lauel so Ciro quiyim ná'ogue na lotauaripi neloxoỹaripi ilarelec quiyim qaỹa'xat da la'qaatec chaqai ỹo'uet ana lelaatqaipi, 'naacsa':

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Nehemías 1:6

Ca' nagui ñi'xoresene'tot qami' quiyim na'xaỹaxañita da ñqouagaxainaxac quiyi na'xa'a chaqai yi pe, sashiilaxanteguelec na relaataxai'ipi llaalqaipi so Israel. Chaqai ña'deenalta' quiyim qomi' llaalqaipi so Israel 'ue da qarasauaxaset caqami', ¡vire'talo nauá'maq chi ita'al 'ue da qarasauaxaset!

Nehemías 2:1

Ca' 'ue so na'xa'a queso shiraigo leenaxat Nisán, na' ỹovire'oga so ñaaxa veinte quiyim neetaho nashi. Ca na' socoretapigui queso lataxa aso ne'taxaqui so nashi, ca retan quiyim sachicotam.

Nehemías 2:8

chaqai aca liỹa nerecse tai'a ca Asaf, cá'maq reloqota'a yi nashi no'oochi, quiyim nañaañim ca qo'paq, qaiyi so'uet ca lasomyipi queso lquepaqataxanaxat añi no'ueenaxanaxaqui, chaqai so lquepaqataxanaxat yi na'a' lodegaxat, chaqai cá'maq 'imec senaugui. Ca' so nashi nañaañim sá'ogue só'maq sahotaque, ma' yotauan ñi qota'olec.

Salmos 130:2

¡qami' ỹa'gaxala', 'qa'ita da ivillaxac! ¡na'xaỹaxañita da ỹaualaxac, yaualqatacot qami'!

Proverbios 1:29

ma' se rqo'chiỹa dá'maq na'deenaxanaxa chaqai sqai maqachiñii ñi qara'gaxala'.

Jeremías 42:12

'Ue da iqouagaxa ma'le caqamiri, chaqai so'uet quiyim ñi'maxare qai'neeta nqouagueguelo qamiri, ca rapilaxate' qamiri quena na'lauahi.

Hebreos 13:18

Nqouagaxaiñitalgoto qomi', ma' qomi' qaica quet cá'maq huapigui qouel, ma' sahoqotaque quiyim ña'maxatqata quená'ogue.